இலங்கை கிரிக்கெட் அணியின் இந்திய பயணம் இன்றுடன் முடிவுக்கு வருகிறது. இதில் டி20 தொடரை 1-2 என்ற கணக்கில் இழந்த இலங்கை அணி அடுத்து 3 போட்டிகள் கொண்ட ஒரு நாள் தொடரில் பங்கேற்றுள்ளது. இதில் கவுகாத்தி மற்றும் கொல்கத்தாவில் நடந்த முதல் இரு ஆட்டங்களில் தோல்வியை தழுவிய இலங்கை அணி ஒரு நாள் தொடரையும் பறிகொடுத்து விட்டது.

இந்த நிலையில் இந்தியா- இலங்கை அணிகள் இடையிலான 3ஆவது மற்றும் கடைசி ஒரு நாள் போட்டி கேரள தலைநகர் திருவனந்தபுரத்தில் உள்ள கிரீன்பீல்டு சர்வதேச ஸ்டேடியத்தில் இன்று பகல்-இரவு மோதலாக நடக்கிறது. 

இப்போட்டியில் டாஸ் வென்றுள்ள இந்திய அணி முதலில் பேட்டிங் செய்வதாக அறிவித்துள்ளது. இன்றைய போட்டிக்கான இந்திய அணியில் ஹர்திக் பாண்டியா, உம்ரா மாலிக் ஆகியோருக்கு ஓய்வளிக்கப்பட்டு சூர்யகுமார், வாஷிங்டன் சுந்தர் அணியில் சேர்க்கப்பட்டுள்ளனர். 

இந்தியா: ரோஹித் சர்மா (கே), ஷுப்மான் கில், விராட் கோலி, சூர்யகுமார் யாதவ், ஷ்ரேயாஸ் ஐயர், கேஎல் ராகுல், வாஷிங்டன் சுந்தர், அக்சர் படேல், குல்தீப் யாதவ், முகமது ஷமி, முகமது சிராஜ்.

இலங்கை: அவிஷ்க பெர்னாண்டோ, நுவனிது பெர்னாண்டோ, குசல் மெண்டிஸ், அஷேன் பண்டார, சரித் அசலங்க, தசுன் ஷனக(கே), வனிந்து ஹசரங்க, ஜெப்ரி வான்டர்சே, சாமிக்க கருணாரத்ன, கசுன் ராஜித, லஹிரு குமார