India vs Pakistan Dream11 Prediction Match 18, T20 World Cup 2024: ஒன்பதாவது ஐசிசி ஆடவர் டி20 உலகக்கோப்பை கிரிக்கெட் தொடரானது அமெரிக்கா மற்றும் வெஸ்ட் இண்டீஸில் விறுவிறுப்பாக நடைபெற்று வருகிறது. இத்தொடரில் ரசிகர்கள் பெரிதும் எதிர்பார்த்து காத்திருந்த போட்டியான இந்தியா மற்றும் பாகிஸ்தான் அணிகளுக்கு இடையேயான லீக் போட்டியானது நாளை நடைபெறவுள்ளது. அரசியல் காரணங்களினால் இவ்விரு அணிகளும் ஐசிசி தொடர்களை கடந்த மற்ற எந்த போட்டிகளிலும் விளையாடாமல் இருப்பதால் ஒவ்வொரு முறையும் இவ்விரு அணிகள் மோதும் போட்டிக்கு கூடுதல் எதிர்பார்ப்புகள் இருக்கும். அதிலும் உலகக்கோப்பை தொடர் என்றால் அதற்கென தனி ரசிகர் கூட்டமே உள்ளது. இதனால் நாளைய போட்டியில் எந்த அணி வெற்றிபெற்று ஆதிக்கம் செலுத்தும் என்ற எதிர்பார்ப்புகள் அதிகரித்துள்ளன.