ஐபிஎல் தொடரில் இன்று நடைபெறும் 50ஆவது லீக் ஆட்டத்தில் சென்னை சூப்பர் கிங்ஸ் - டெல்லி கேப்பிட்டல்ஸ் அணிகள் பலப்பரீட்சை நடத்துகின்றன. 

நடப்பு சீசனில் இரு அணிகளும் பிளே ஆஃப் சுற்றை உறுதிசெய்துள்ளதால், புள்ளிப்பட்டியலில் முதலிடத்தை தக்கவைப்பது யார் என்ற போட்டியில் இரு அணிகளும் இன்று விளையாடுகின்றன. 

இப்போட்டியில் டாஸ் வென்ற டெல்லி கேப்பிட்டல்ஸ் அணி முதலில் பந்துவீச தீர்மானித்துள்ளது. இன்றைய போட்டிக்கான டெல்லி அணியில் ஸ்டீவ் ஸ்மித்திற்கு பதிலாக ரிபல் படேல் அறிமுகமாகியுள்ளார்.

அதேசமயம் சிஎஸ்கே அணியில் சாம் கரண், சுரேஷ் ரெய்னா, கேஎம் ஆசிப் ஆகியோருக்கு பதிலாக டுவைன் பிராவோ, ராபின் உத்தப்பா, தீபக் சஹார் ஆகியோர் இடம்பிடித்துள்ளனர்.

டெல்லி கேப்பிட்டல்ஸ்: பிருத்வி ஷா, ஷிகர் தவான், ஸ்ரேயாஸ் ஐயர், ரிஷப் பந்த் (கே), ரிபால் படேல், அக்ஸர் பட்டேல், சிம்ரான் ஹெட்மியர், ரவிச்சந்திரன் அஸ்வின், ககிசோ ரபாடா, அவேஷ் கான், அன்ரிச் நோர்ட்ஜே.

சென்னை சூப்பர் கிங்ஸ்: ருதுராஜ் கெய்க்வாட், ஃபாஃப் டு பிளெசிஸ், ராபின் உத்தப்பா, மொயீன் அலி, அம்பதி ராயுடு, எம்எஸ் தோனி (கே), ரவீந்திர ஜடேஜா, டுவைன் பிராவோ, ஷர்துல் தாக்கூர், தீபக் சாஹர், ஜோஷ் ஹேசில்வுட்