ஐபிஎல் தொடரில் இன்று நடைபெறும் 47ஆவது லீக் ஆட்டத்தில் ராஜஸ்தான் ராயல்ஸ் - சென்னை சூப்பர் கிங்ஸ் அணிகள் பலப்பரீட்சை நடத்துகின்றன. 

இதில் சென்னை சூப்பர் கிங்ஸ் அணி ஏற்கெனவே பிளே ஆஃப் சுற்றுக்கு முன்னேறியுள்ள நிலையில், ராஜஸ்தான் அணி வெற்றி பெற்றாக வேண்டிய கட்டாயத்தில் உள்ளது. 

இந்நிலையில் இப்போட்டியில் டாஸ் வென்ற ராஜஸ்தான் ராயல்ஸ் அணி முதலில் பந்துவீச தீர்மானித்துள்ளது. 

இன்றைய போட்டிக்கான ராஜஸ்தான் ராயல்ஸ் அணியில் லியாம் லிவிங்ஸ்டோன், ரியான் பராக், கிறிஸ் மோரிஸ், கார்த்திக் தியாகி ஆகியோருக்கு பதிலாக டேவிட் மில்லர், கிளென் பிலீப்ஸ், ஷிவம் துபே, மயங்க் மார்கண்டே அணியில் சேர்க்கப்பட்டுள்ளார்.

அதேசமயம் சென்னை சூப்பர் கிங்ஸ் அணியில் தீபக் சஹார், டுவைன் பிராவோ ஆகியோருக்கு பதிலாக சாம் கரண், கேஎம் ஆசீப் ஆகியோர் சேர்க்கப்பட்டுள்ளனர்.

ராஜஸ்தான் ராயல்ஸ்: எவின் லூயிஸ், ஜெய்ஸ்வால், சஞ்சு சாம்சன்(கேப்டன்), டேவிட் மில்லர், கிளென் பிலீப்ஸ், ஷிவம் தூபே, ராகுல் திவேத்தியா, ஆகாஷ் சிங், சேத்தன் சக்காரியா, முஸ்தாஃபிசுர் ரஹ்மான்.

சிஎஸ்கே: ருதுராஜ் கெய்க்வாட், டுப்ளெசிஸ், மொயின் அலி, ரெய்னா, ராயுடு, தோனி(கேப்டன்), ஜடேஜா, சாம் கரண், ஷர்துல் தாகூர், கேஎம் ஆசீப், ஹேசில்வுட்.