இந்தியாவின் பல்வேறு நகரங்களில் நடைபெற்றுவரும் ஐபிஎல் தொடரின் 17ஆவது சீசன் இறுதிக்கட்டத்தை எட்டியுள்ளது. மொத்தம் 10 அணிகள் பங்கேற்றுள்ள இத்தொடரில் கேகேஆர் அணி பிளே ஆஃப் சுற்றை உறுதிசெய்தும், பஞ்சாப், மும்பை, குஜராத் அணிகள் பிளே ஆஃப் வாய்ப்பையும் இழந்தும் உள்ள நிலையில், மீதமிருக்கும் அணிகளுக்கு இடையே கடும் போட்டி நிலவிவருகிறது. இதில் இன்று நடைபெற்ற லீக் போட்டியில் டெல்லி கேப்பிட்டல்ஸ் அணியை எதிர்த்து லக்னோ சூப்பர் ஜெயண்ட்ஸ் அணி பலப்பரீட்சை நடத்தியது. இப்போட்டியில் டாஸ் வென்ற லக்னோ அணி முதலில் பந்துவீசுவதாக அறிவித்து டெல்லி அணியை பேட்டிங் செய்ய அழைத்தது.