சமீபத்தில் ஆஃப்கானிஸ்தானுக்கு எதிரான டி20 மற்றும் ஒருநாள் தொடரில் விளையாடிய தென் ஆப்பிரிக்க அணி அடுத்ததாக அயர்லாந்து அணியுடன் இரண்டு போட்டிகள் கொண்ட டி20 மற்றும் 3 போட்டிகள் கொண்ட ஒருநாள் தொடரில் விளையாடவுள்ளது. மேலும் இவ்விரு அணிகளுக்கும் இடையேயான இந்த தொடரின் அனைத்து போட்டிகளும் அபுதாபியில் உள்ள ஷேக் சயீத் கிரிக்கெட் மைதானத்தில் நடைபெறவுள்ளது.

அந்தவகையில் அயர்லாந்து - தென் ஆப்பிரிக்க அணிகளுக்கு இடையேயான முதல் டி20 போட்டியானது இன்று அபுதாபியில் உள்ள ஷேக் சயீத் கிரிக்கெட் மைதானத்தில்  நடைபெறவுள்ளது. இப்போட்டியில் டாஸ் வென்றுள்ள தென் ஆப்பிரிக்க அணி கேப்டன் ஐடன் மார்க்ரம் முதலில் பந்துவீசுவதாக அறிவித்து அயர்லாந்து அணியை பேட்டிங் செய்ய அழைத்துள்ளார். இரு அணியிலும் நட்சத்திர வீரர்கள் இடம்பிடித்துள்ளதால் இப்போட்டியின் மீதான எதிர்பார்ப்புகளும் அதிகரித்துள்ளது. 

அயர்லாந்து பிளேயிங் லெவன்: பால் ஸ்டிர்லிங்(கே), ராஸ் அதிர், ஹாரி டெக்டர், கர்டிஸ் கேம்பர், நீல் ராக், ஜார்ஜ் டோக்ரெல், மார்க் அதிர், ஃபியோன் ஹேண்ட், மேத்யூ ஹம்ப்ரேஸ், கிரேக் யங், பெஞ்சமின் ஒயிட்.

தென் ஆப்பிரிக்கா பிளேயிங் லெவன்: ரியான் ரிக்கெல்டன், ரீசா ஹென்ட்ரிக்ஸ், மேத்யூ ப்ரீட்ஸ்கீ, ஐடன் மார்க்ரம்(கே), டிரிஸ்டன் ஸ்டப்ஸ், வியான் முல்டர், பேட்ரிக் க்ரூகர், ஜார்ன் ஃபோர்டுயின், நகாபா பீட்டர், லிசாட் வில்லியம்ஸ், ஒட்னீல் பார்ட்மேன்.