ஏழு அணிகள் பங்கேற்கும் மகளிர் ஆசிய கோப்பை டி20 கிரிக்கெட் போட்டி வங்கதேசத்தில் நடந்து வருகிறது. இதில் இன்று நடைபெறும் ஆட்டத்தில் இந்திய மகளி அணி மலேசியா மகளிர் அணியைவை எதிர்கொள்கிறது.
இந்திய அணி தனது முதலாவது ஆட்டத்தில் இலங்கை அணியை 41 ரன்கள் வித்தியாசத்தில் வென்றிருந்தது. மலேசியா அணி தனது தொடக்க ஆட்டத்தில் பாகிஸ்தான் அணிக்கு எதிராக 9 விக்கெட் வித்தியாசத்தில் தோல்வி அடைந்திருந்தது.
இந்நிலையில் இரு அணிகளுக்கும் இடையேயான போட்டியில் டாஸ் வென்றுள்ள மலேசிய அணி முதலில் பந்துவீசுவதாக தீர்மானித்துள்ளது.
மேலும் இன்றைய போட்டியில் மலேசியா அணி தனது வெற்றிக்கணக்கை தொடங்க கடுமையாக போராடும். அதே வேளையில் தனது வெற்றிப்பயணத்தை தொடர இந்திய அணி முனைப்பு காட்டும். இதனால் ஆட்டத்தில் பரபரப்புக்கு பஞ்சம் இருக்காது என எதிர்பார்க்கப்படுகிறது.
இந்தியா: ஷஃபாலி வர்மா, சப்பினேனி மேகனா, ஜெமிமா ரோட்ரிக்ஸ், ஹர்மன்பிரீத் கவுர்(கே), கிரண் நவ்கிரே, தயாளன் ஹேமலதா, ரிச்சா கோஷ், தீப்தி சர்மா, ராதா யாதவ், மேக்னா சிங், ராஜேஸ்வரி கயக்வாட்.
மலேசியா : வினிஃப்ரெட் துரைசிங்கம்(கே), வான் ஜூலிய, மாஸ் எலிசா, எல்சா ஹண்டர், மஹிரா இஸ்ஸாதி இஸ்மாயில், ஐன்னா ஹமிசா ஹாஷிம், ஜமாஹிதாயா இன்டன், நூர் அரியன்னா நத்ஸ்யா, சாஷா அஸ்மி, நூர் ஹயாட்டி ஜகாரியா, நூர் டானியா சியுஹாதா.
