பாகிஸ்தான் சூப்பர் லீக் (பிஎஸ்எல்) தொடரின் 9ஆவது சீசன் விறுவிறுப்பாக நடைபெற்று வருகிறது. இதில் இன்று நடைபெறும் 9ஆவது லீக் ஆட்டத்தில் முகமது ரிஸ்வான் தலைமையிலான முல்தான் சுல்தான்ஸ் அணியை எதிர்த்து பாபர் ஆசாம் தலைமையிலான பெஷாவர் ஸால்மி அணி விளையாடவுள்ளது. நடப்பு பிஎஸ்எல் தொடரில் முல்தான் சுல்தான்ஸ் அணி விளையாடிய மூன்று போட்டிகளிலும் வெற்றிபெற்று புள்ளிப்பட்டியளில் முதல் இடத்தில் உள்ளது. அதேசமயம் பெஷாவர் ஸால்மி அணி விளையாடிய இரண்டு போட்டிகளிலும் தோல்வியைத் தழுவியதுடன் புள்ளிப்பட்டியளின் கடைசி இடத்திற்கு தள்ளப்பட்டுள்ளது. இதனால் இப்போட்டியில் வெற்றிபெற்று இந்த சீசனில் முதல் வெற்றியைப் பதிவுசெய்ய பெஷாவர் ஸால்மி போராடும் என்பதால் இப்போட்டியின் மீதான எதிர்பார்ப்பும் அதிகரித்துள்ளது.