பாகிஸ்தானில் சுற்றுப்பயணம் மேற்கொண்டுள்ள நியூசிலாந்து அணி 5 போட்டிகள் கொண்ட டி20 தொடரில் விளையாடவுள்ளது. இதில் இரு அணிகளுக்கும் இடையே நடைபெற்ற முதல் இரண்டு டி20 போட்டிகளிலும் பாகிஸ்தான் அணி வெற்றிபெற, மூன்றாவது போட்டியில் நியூசிலாந்து அணி வெற்றிபெற்று 1-2 என்ற கணக்கில் தொடரில் நீடித்து வருகிறது. 

இந்நிலையில் இரு அணிகளுக்கும் இடையேயான நான்காவது டி20 போட்டி இன்று ராவல்பிண்டியிலுள்ள ராவல்பிண்டி  கிரிக்கெட் மைதானத்தில் நடைபெறுகிறது. இப்போட்டியில் டாஸ் வென்றுள்ள பாகிஸ்தான் அணி முதலில் பந்துவீச தீர்மானித்துள்ளது. 

நியூசிலாந்து: டாம் லாதம்(கே), சாட் பௌஸ், வில் யங், டேரில் மிட்செல், மார்க் சாப்மேன், ரச்சின் ரவீந்திரா, ஆடம் மில்னே, மாட் ஹென்றி, இஷ் சோதி, கோல் மெக்கன்சி, ஹென்றி ஷிப்லி

பாகிஸ்தான்: முகமது ரிஸ்வான், பாபர் ஆசம்(கே), ஃபகார் ஸமான், சைம் அயூப், ஷதாப் கான், இஃப்திகார் அகமது, இமாத் வாசிம், ஃபஹீம் அஷ்ரஃப், ஷாஹீன் அஃப்ரிடி, ஹாரிஸ் ரவுஃப், ஜமான் கான்.