பாகிஸ்தானில் சுற்றுப்பயணம் செய்துவரும் வெஸ்ட் இண்டீஸ் அணி 3 போட்டிகள் கொண்ட ஒருநாள் மற்றும் டி20 தொடரில் விளையாடுகிறது. 

இதில் இரு அணிகளுக்கும் இடையேயான முதல் டி20 போட்டியில் பாகிஸ்தான் அணி 63 ரன்கள் வித்தியாசத்தில் விண்டீஸை வீழ்த்தி அபார வெற்றியைப் பெற்றது.

இந்நிலையில் இரு அணிகளுக்கும் இடையேயான இரண்டாவது டி20 போட்டி இன்று நடைபெறுகிறது. இப்போட்டியில் டாஸ் வென்றுள்ள பாகிஸ்தான் அணி கேப்டன் பாபர் ஆசாம் முதலில் பேட்டிங்செய்ய தீர்மானித்துள்ளார். 

இரு அணியிலும் அதிரடி பேட்ஸ்மேன்கள் உள்ளதால் இன்றைய போட்டியில் ரன் வேட்டைக்கு பஞ்சமிருக்காது என எதிர்பார்க்கப்படுகிறது. 

பாகிஸ்தான்: பாபர் ஆசாம்(கே), முகமது ரிஸ்வான், ஃபகார் ஸமான், ஹைதர் அலி, இஃப்திகார் அகமது, ஆசிப் அலி, ஷதாப் கான், முகமது நவாஸ், ஹாரிஸ் ரவுஃப், முகமது வாசிம் ஜூனியர், ஷஹீன் அஃப்ரிடி.

வெஸ்ட் இண்டீஸ்: ஷமர் ப்ரூக்ஸ், பிராண்டன் கிங், ஷாய் ஹோப், நிக்கோலஸ் பூரன்(கே), ரோவ்மேன் பவல், ஒடியன் ஸ்மித், ரொமாரியோ ஷெஃப்பர்ட், அகீல் ஹோசைன், டொமினிக் டிரேக்ஸ், ஓஷேன் தாமஸ், ஹெய்டன் வால்ஷ்.