தென் ஆப்பிரிக்காவில் எட்டாவது சீசன் மகளிர் டி20 உலகக்கோப்பை கிரிக்கெட் தொடர் நடைபெற்று வருகிறது. இதில் இன்று நடைபெறும் ஆட்டத்தில் இந்திய மகளிர் அணி, பாகிஸ்தான் மகளிர் அணியை எதிர்கொள்கிறது.

கேப்டவுனில் உள்ள நியுலேண்ட்ஸ் மைதானத்தில் நடைபெறும் இப்போட்டியில் டாஸ் வென்றுள்ள பாகிஸ்தான் அணி முதலில் பேட்டிங் செய்வதாக தீர்மானித்துள்ளது. 

அதேசமயம் இந்திய அணியின் நட்சத்திர வீராங்கனை ஸ்மிருதி மந்தனா காயம் காரணமாக இன்றைய போட்டியில் விளையாடவில்லை.

பாகிஸ்தான் மகளிர் அணி: ஜாவேரியா கான், முனீபா அலி, பிஸ்மா மரூஃப்(சி), நிதா தார், சித்ரா அமீன், அலியா ரியாஸ், ஆயிஷா நசீம், பாத்திமா சனா, அய்மான் அன்வர், நஷ்ரா சந்து, சாடியா இக்பால்

இந்திய மகளிர் அணி: ஷஃபாலி வர்மா, யாஸ்திகா பாட்டியா, ஜெமிமா ரோட்ரிக்ஸ், ஹர்லீன் தியோல், ஹர்மன்ப்ரீத் கவுர்(கே), ரிச்சா கோஷ், தீப்தி சர்மா, பூஜா வஸ்த்ரகர், ராதா யாதவ், ராஜேஸ்வரி கயக்வாட், ரேணுகா சிங்.