ஐபிஎல் 2024: பஞ்சாப் கிங்ஸ் vs டெல்லி கேப்பிட்டல்ஸ் - உத்தேச லெவன் & ஃபேண்டஸி லெவன் டிப்ஸ்!

17ஆவது சீசன் ஐபிஎல் தொடரானது நாளை மறுநாள் கோலாகலமாக தொடங்கவுள்ளது. இத்தொடரின் முதல் போட்டியில் சிஎஸ்கே மற்றும் ஆர்சிபி அணிகள் பலப்பரீட்சை நடத்துகின்றன. இதையடுத்து மார்ச் 23ஆம் தேதி நடைபெறும் இரண்டாவது லீக் போட்டியில் ஷிகர் தவான் தலைமையிலான பஞ்சாப் கிங்ஸ் அணியை எதிர்த்து ரிஷப் பந்த் தலைமையிலான டெல்லி கேப்பிட்டல்ஸ் அணி பலப்பரீட்சை நடத்துகின்றன. இந்த இரு ஐபிஎல் அணிகளும் இத்தொடரில் ஒருமுறை கூட கோப்பையை வெல்லமுடியாமல் தவித்து வரும் நிலையில் நடப்பு சீசனில் அந்த எதிர்பார்ப்பை பூர்த்தி செய்யும் விதத்தில் விளையாடவுள்ளனர். மேலும் இரு அணிகளிலும் நட்சத்திர பட்டாளங்கள் உள்ளதால் இப்போட்டியில் எந்த அணி வெற்றிபெற்று தொடரை வெற்றியுடன் தொடங்கும் என்ற எதிர்பார்ப்புகளும் அதிகரித்துள்ளன.