அபுதாபியில் நடைபெற்று வரும் பிஎஸ்எல் தொடரின் 6ஆவது சீசன் இறுதி காட்டத்தை நெருங்கியுள்ளது. இதில் நேற்று நடைபெற்ற முதல் தகுதிச்சுற்று போட்டியில் முல்தான் சுல்தான்ஸ் அணி வெற்றி பெற்று இறுதிப் போட்டிக்கான வாய்ப்பை பெற்றது. 

இந்நிலையில் இன்று நடைபெறும் இரண்டாவது எலிமினேட்டர் ஆட்டத்தில் பெஸ்வர் ஸால்மி அணி, இஸ்லாமாபாத் யுனைடெட் அணியை எதிர்கொள்ளவுள்ளது. இப்போட்டியில் வெற்றிபெறும் அணி இறுதிப்போட்டியில் விளையாடும் என்பதால் இப்போட்டியின் மீதான எதிர்பார்ப்பு அதிகரித்துள்ளது. 

அபுதாபில் இன்னும் சற்று நேரத்தில் நடைபெறும் இப்போட்டியில் டாஸ் வென்ற பெஸ்வர் ஸால்மி அணி முதலில் பந்துவீசத் தீரமானித்துள்ளது. 

இப்போட்டிக்கான இஸ்லாமாபாத் யுனைடெட் அணியில் ஹுசைன் தாலத்திற்கு பதிலாக பிராண்டன் கிங் அணியில் சேர்க்கப்பட்டுள்ளார். பெஸ்வர் ஸால்மி அணியில் ஜானதன் வெல்ஸ் அறிமுக வீரராக களமிறங்குகிறார்.

பெஸ்வர் ஸால்மி (விளையாடும் லெவன்): ஹஸ்ரதுல்லா ஸஸாய், கம்ரான் அக்மல், ஜானதன் வெல்ஸ், சோயிப் மாலிக், ரோவ்மன் பவல், ஷெர்பேன் ரூதர்ஃபோர்ட், அமத் பட், வஹாப் ரியாஸ் (கே), உமைத் ஆசிப், முகமது இம்ரான், முகமது இர்ஃபான்

இஸ்லாமாபாத் யுனைடெட் (விளையாடும் லெவன்): உஸ்மான் கவாஜா, காலின் முன்ரோ, முகமது அக்லக், சதாப் கான் (கே), பிராண்டன் கிங், ஆசிப் அலி, இஃப்திகார் அகமது, ஹசன் அலி, ஃபஹீம் அஷ்ரப், முகமது வாசிம் ஜூனியர், அகீஃப் ஜாவேத்