இங்கிலாந்து அணி தென் ஆப்பிரிக்காவில் சுற்றுப்பயணம் செய்து 3 ஒருநாள் போட்டிகள் கொண்ட தொடரில் விளையாடிவருகிறது. முதல் போட்டியில் வெற்றி பெற்று தென் ஆப்பிரிக்க அணி, இரண்டாவது ஒருநாள் போட்டியிலும் வெற்றிபெற்று 2-0 என்ற கணக்கில் தொடரையும் கைப்பற்றியது.

இந்நிலையில் இரு அணிகளுக்கும் இடையேயான மூன்றாவது மற்றும் கடைசி ஒருநாள் போட்டி இன்று நடைபெறுகிறது. இப்போட்டியில் டாஸ் வென்றுள்ள தென் ஆப்பிரிக்க முதலில் பந்துவீச முடிவுசெய்துள்ளது.

தென் ஆப்பிரிக்க அணி ஏற்கெனவே தொடரை வென்றுள்ள நிலையில், கடைசி போட்டியிலும் வெற்றிபெற்று இங்கிலாந்தை ஒயிட்வாஷ் செய்யும் முனைப்பில் விளையாடவுள்ளது.

இங்கிலாந்து: ஜேசன் ராய், டேவிட் மலான், பென் டக்கெட், ஹாரி புரூக், ஜோஸ் பட்லர்(கே), மொயீன் அலி, கிறிஸ் வோக்ஸ், சாம் கரன், அடில் ரஷித், ரீஸ் டாப்லி, ஜோஃப்ரா ஆர்ச்சர்

தென் ஆப்பிரிக்கா: ரீசா ஹென்ட்ரிக்ஸ், டெம்பா பவுமா(கே), ரஸ்ஸி வான் டெர் டுசென், ஐடன் மார்க்ரம், டேவிட் மில்லர், ஹென்ரிச் கிளாசென், மார்கோ ஜான்சன், வெய்ன் பார்னெல், சிசண்டா மகாலா, லுங்கி என்கிடி, தப்ரைஸ் ஷம்சி.