மகளிர் பிரீமியர் லீக் (டபிள்யூபிஎல்) தொடரின் இரண்டாவது சீசன் நாளுக்கு நாள் ரசிகர்களின் எதிர்பார்ப்பை அதிகரித்து வருகிறது. இத்தொடரில் நாளை நடைபெறும் 11ஆவது லீக் போட்டியில் ஸ்மிருதி மந்தனா தலைமையிலான ராயல் சேலஞ்சர்ஸ் பெங்களூரு அணியை எதிர்த்து, அலிசா ஹீலி தலைமையிலான யுபி வாரியர்ஸ் அணி பலபப்ரீட்சை நடத்துகிறது. இந்த சீசனில் ராயல் சேலஞ்சர்ஸ் பெங்களூரு அணி விளையாடிய முதல் இரண்டு போட்டிகளில் வெற்றிபெற்ற நிலையில், அடுத்தடுத்த போட்டிகளில் தோல்வியைத் தழுவி ரசிகர்களுக்கு எதிர்ச்சி கொடுத்துள்ளது. அதேசமயம் மறுபக்கம் யுபி வாரியர்ஸ் அணியும் இரண்டு வெற்றி, இரு தோல்வி என 4 புள்ளிகளுடன் மூன்றாம் இடத்தில் தொடர்கிறது. இதனால் நாளை எந்த அணி வெற்றிபெறும் என்ற எதிர்பார்ப்பு அதிகரித்துள்ளது.