Rajasthan Royals vs Kolkata Knight Riders, IPL 2024 Dream11 Team: இந்தியாவின் பல்வேறு நகரங்களில் நடைபெற்று வந்த ஐபிஎல் தொடரின் 17ஆவது சீசனுக்கான பிளே ஆஃப் சுற்று போட்டிகள் அடுத்த வாரம் முதல் தொடங்கவுள்ளது. இத்தொடரின் பிளே ஆஃப் சுற்றில் கேகேஆர், ராஜஸ்தான், ஹைதராபாத் உள்ளிட்ட அணிகள் முன்னேறியுள்ள நிலையில், இன்றைய தினம் மீதமுள்ள ஒரு இடமும் உறுதிசெய்யப்படும் என எதிர்பார்க்கப்படுகிறது. இந்நிலையில் இத்தொடரின் கடைசி லீக் போட்டியானது நாளை நடைபெறவுள்ளது. இதில் சஞ்சு சாம்சன் தலைமையிலான ராஜஸ்தான் ராயல்ஸ் அணியும், ஸ்ரேயஸ் ஐயர் தலைமையிலான கொல்கத்தா நைட் ரைடர்ஸ் அணிகளும் பலப்பரீட்சை நடத்தவுள்ளன. இவ்விரு அணிகளும் பிளே ஆஃப் சுற்றுக்கு முன்னேறியுள்ள நிலையில், முதலிரண்டு இடங்களை பிடிப்பதற்கான போட்டியாக இது அமையவுள்ளது. அதுமட்டுமின்றி ராஜஸ்தான் அணி அடுத்தடுத்த போட்டிகளில் தோல்வியைத் தழுவியுள்ளதன் காரணமாக இப்போட்டியில் வெற்றிபெற வேண்டும் என்ர உத்வேகத்துடன் களமிறங்கும் என்பதால் ரசிகர்களின் எதிர்பார்ப்புகளும் அதிகரித்துள்ளன.
