இலங்கை - தென் ஆப்பிரிக்க அணிகளுக்கு இடையேயான 3 போட்டிகள் கொண்ட ஒருநாள் தொடர் கொழும்பில் நடைபெற்று வருகிறது. இதில் இதுவரை நடைபெற்ற இரண்டு போட்டிகளில் இரு அணிகளும் தலா ஒரு வெற்றியைப் பெற்று சமநிலையில் உள்ளது. 

இந்நிலையில் தொடரின் வெற்றியாளரைத் தீர்மானிக்கும் மூன்றாவது ஒருநாள் போட்டி இன்று நடைபெறுகிறது. இப்போட்டியில் டாஸ் வென்ற இலங்கை அணி முதலில் பேட்டிங் செய்ய தீர்மானித்துள்ளது. 

மேலும் இப்போட்டியில் வெற்றிபெறும் அணி ஒருநாள் தொடரைக் கைப்பற்றும் என்பதால் இப்போட்டியில் மீதான எதிர்பார்ப்பு ரசிகர்கள் மத்தியில் அதிகரித்துள்ளது. 

இலங்கை: அவிஷ்கா ஃபெர்னாண்டோ, தினேஷ் சந்திமால் , தனஞ்சய டி சில்வா, சரித் அசலங்கா, தாசுன் ஷனகா (கே), வனிந்து ஹசரங்கா, சாமிகா கருணாரத்ன, துஷ்மந்த சமீரா, கமிந்து மெண்டிஸ், பிரவீன் ஜெயவிக்ரம, மகீஷ் தீக்ஷனா.

தென்ஆப்பிரிக்கா : ஜென்மேன் மாலன், ஐடன் மார்க்ரம், ரீசா ஹென்ட்ரிக்ஸ், ராசி வான் டெர் டுஸன், ஹென்ரிச் கிளாசென், ஆண்டிலே பெஹ்லுக்வாயோ, வியன் முல்டர், ஜார்ஜ் லிண்டே, கேசவ் மகாராஜ் (கே), ககிசோ ரபாடா, தப்ரைஸ் ஷம்ஸி.