ஆஸ்திரேலியா அணி தற்சமயம் இலங்கையில் சுற்றுப்பயணம் மேற்கொண்டு 2 போட்டிகளைக் கொண்ட ஒருநாள் தொடரில் விளையாடி வருகிறது. இதில் நேற்று நடைபெற்று முடிந்த முதல் ஒருநாள் போட்டியில் இலங்கை அணி அபாரமான ஆட்டத்தை வெளிப்படுத்தியதுடன் 49 ரன்கள் வித்தியாசத்தில் ஆஸ்திரேலிய அணியை வீழ்த்தி வெற்றிபெற்றதுடன், 1-0 என்ற கணக்கில் தொடரில் முன்னிலைப் பெற்றது. 

இதனையடுத்து இலங்கை - ஆஸ்திரேலிய அணிகளுக்கு இடையேயான ஒருநாள் தொடரின் வெற்றியாளரைத் தீர்மானிக்கும் இரண்டாவது மற்றும் கடைசி போட்டி இன்று (பிப்ரவரி 14) கொழும்புவில் உள்ள ஆர் பிரேமதாசா கிரிக்கெட் மைதானத்தில் நடைபெறவுள்ளது. இப்போட்டியிலும் டாஸை வென்ற இலங்கை அணியானது முதலில் பேட்டிங் செய்வதாக அறிவித்துள்ளது. இப்போட்டிக்கான இரு அணிகளிலும் பல்வேறு மாற்றங்கள் செய்யப்பட்டுள்ளன. 

இதில் ஆஸ்திரேலிய அணி ஏற்கெனவே முதல் போட்டியில் தோல்வியைத் தழுவியதன் காரணமாக அதற்கான பதிலடியை இந்த போட்டியில் கொடுக்கும் என எதிர்பார்க்கப்படுகிறது. அதேசமயம், முதல் போட்டியை வென்றுள்ள இலங்கை அணி இப்போட்டியிலும் வெற்றிபெற்று தொடரை வெல்ல முயற்சிக்கும் என்பதால் இப்போட்டியின் மீதான எதிர்பார்ப்புகள் அதிகரித்துள்ளன. 

ஆஸ்திரேலியா பிளேயிங் லெவன்: மேத்யூ ஷார்ட், டிராவிஸ் ஹெட், ஜேக் ஃபிரேசர்-மெக்குர்க், ஸ்டீவன் ஸ்மித்(கே), ஜோஷ் இங்கிலிஸ், ஆரோன் ஹார்டி, கிளென் மேக்ஸ்வெல், சீன் அபோட், பென் துவர்ஷூயிஸ், ஆடம் ஜம்பா, தன்வீர் சங்கா

இலங்கை பிளேயிங் லெவன்: பதும் நிஷங்க, நிஷான் மதுஷ்கா, குசல் மெண்டிஸ், கமிந்து மெண்டிஸ், சரித் அசலங்கா (கே), ஜனித் லியனகே, துனித் வெல்லாலகே, வனிந்து ஹசரங்க, மஹீஷ் தீக்ஷனா, எஷான் மலிங்கா, அசித்த ஃபெர்னாண்டோ