இந்திய அணி இலங்கையில் சுற்றுப்பயணம் மேற்கொண்டு 3 டி20 மற்றும் 3 ஒருநாள் போட்டிகள் கொண்ட தொடரில் விளையாடவுள்ளது. இரு அணிகளுக்கும் இடையேயான டி20 தொடரானது இன்று (ஜூலை 27) முதல் தொடங்கவுள்ளது. அதன்படி இன்று நடைபெறும் இரு அணிகளுக்கும் இடையேயான முதலாவது டி20 போட்டியானது பல்லேகலே சர்வதேச கிரிக்கெட் மைதானத்தில் நடைபெறுகிறது.

இப்போட்டியில் டாஸ் வென்ற இலங்கை அணி கேப்டன் சரித் அசலங்கா முதலில் பந்துவீசுவதாக அறிவித்து இந்திய அணியை பேட்டிங் செய்ய அழைத்துள்ளார். இன்றைய போட்டிக்கான இந்திய அணியில் சஞ்சு சாம்சன், வாஷிங்டன் சுந்தர் ஆகியோருக்கு வாய்ப்பு வழங்கப்படவில்லை. மேற்கொண்டு ரியான் பராக், ரிங்கு சிங் ஆகியோர் பிளேயிங் லெவனில் இடம்பிடித்துள்ளனர். 

இலங்கை: பதும் நிஷங்கா, குசல் மெண்டிஸ், குசல் பெரேரா, கமிந்து மெண்டிஸ், சரித் அசலங்கா(கே), வனிந்து ஹசரங்கா, தசுன் ஷனகா, மஹீஷ் தீக்ஷனா, மதீஷா பத்திரனா, அசித ஃபெர்னாண்டோ, தில்ஷன் மதுஷங்க

இந்தியா: ஷுப்மன் கில், யஷஸ்வி ஜெய்ஸ்வால், சூர்யகுமார் யாதவ்(கே), ரிஷப் பந்த், ரியான் பராக், ஹர்திக் பாண்டியா, ரிங்கு சிங், அக்ஸர் படேல், ரவி பிஷ்னோய், அர்ஷ்தீப் சிங், முகமது சிராஜ்.