ரசிகர்களின் பெரும் எதிர்பார்ப்புகளுக்கு மத்தியில் நடைபெற்று வரும் தமிழ்நாடு பிரீமியர் லீக் டி20 கிரிக்கெட் தொடரின் 8ஆவது சீசன் இறுதிக்கட்டத்தை நெருங்கியுள்ளது. இத்தொடரில் இன்று நடைபெற்ற 25ஆவது லீக் போட்டியில் லைகா கோவை கிங்ஸ் மற்றும் சேலம் ஸ்பார்டன்ஸ் அணிகள் பலப்பரீட்சை நடத்தின. இப்போட்டியில் டாஸை இழந்து முதலில் பேட்டிங் செய்த சேலம் ஸ்பார்டன்ஸ் அணிக்கு விஷால் வைத்யா - கேப்டன் அபிஷேக் ஆகியோர் தொடக்கம் கொடுத்தனர். இதில் சிறப்பான தொடக்கத்தைப் பெற்ற விஷால் வைத்யா 36 ரன்களைச் சேர்த்த நிலையில் விக்கெட்டை இழந்தார்.