வெஸ்ட் இண்டீஸ் அணி இலங்கையில் சுற்றுப்பயணம் மேற்கொண்டு மூன்று போட்டிகளை உள்ளடக்கிய ஒருநாள் மற்றும் டி20 தொடர்களில் விளையாடவுள்ளது. அதன்படி  இவ்விரு அணிகளுக்கும் இடையேயான டி20 தொடரானது அக்டோபர் 13ஆம் தேதி முதலும், ஒருநாள் தொடரானது அக்டோபர் 20ஆம் தேதி முதலும் நடைபெறவுள்ளது.

அந்தவகையில் இலங்கை - வெஸ்ட் இண்டீஸ் அணிகளுக்கு இடையேயான முதல் டி20 போட்டி தம்புளாவில் உள்ள ரங்கிரி தம்புளா சர்வதேச மைதானத்தில் இன்று நடைபெறவுள்ளது. மழை காரணமாக தாமதமாகியுள்ள இப்போட்டியில் டாஸ் வென்றுள்ள வெஸ்ட் இண்டீஸ் அணி முதலில் பந்துவீசுவதாக அறிவித்துள்ளது. இதில் வெஸ்ட் இண்டீஸ் அணியானது தென் ஆப்பிரிக்க அணிக்கு எதிரான டி20 தொடரை கைப்பற்றிய கையோடு இத்தொடரை எதிர்கொள்ளவுள்ளது.

அதேசமயம் இலங்கை அணியோ இந்தியாவுக்கு எதிரான டி20 தொடரை இழந்த பிறகு எதிர்கொள்ளும் முதல் டி20 தொடர் இதுவாகும். இதனால் அந்த அணி வெற்றி பெறுவதற்காக கடுமையாக போராடும். இரு அணிகளிலும் அதிரடியான வீரர்கள் நிறைந்துள்ளதால் இப்போட்டியில் எந்த அணி வெற்றிபெற்று தொடரில் முன்னிலைப் பெறும் என்ற எதிர்பார்ப்புகள் அதிகரித்துள்ளன.

இலங்கை அணியின் பிளேயிங் லெவன்: பதும் நிஷங்கா, குசல் மெண்டிஸ், குசல் பெரேரா, கமிந்து மெண்டிஸ், சரித் அசலங்கா (கேப்டன்), பானுக ராஜபக்சே, வனிந்து ஹசரங்க, சமிந்து விக்ரமசிங்க, மஹிஷ் திக்ஷனா, மதிஷா பத்திரனா, அசித்த ஃபெர்னாண்டோ.

வெஸ்ட் இண்டீஸ் பிளேயிங் லெவன்: எவின் லூயிஸ், பிராண்டன் கிங், ஷாய் ஹோப்(w), ரோஸ்டன் சேஸ், ரொமாரியோ ஷெப்பர்ட், ரோவ்மேன் பவல்(c), ஷெர்ஃபேன் ரூதர்ஃபோர்ட், ஷமர் ஸ்பிரிங்கர், அல்ஸாரி ஜோசப், குடகேஷ் மோட்டி, ஷமர் ஜோசப்