ஐசிசி ஆடவர் டி20 உலகக்கோப்பை கிரிக்கெட் தொடரானது விறுவிறுப்பான கட்டத்தை எட்டியுள்ளது. மொத்தம் 20 அணிகள் பங்கேற்றுள்ள  இத்தொடரில் எந்த 8 அணிகள் அடுத்த சுற்றுக்கு முன்னேறும் என்ற எதிர்பார்ப்புகள் நாளுக்கு நாள் அதிகரித்து வருகிறது. அந்தவகையில் இன்று நடைபெறும் 27ஆவது லீக் ஆட்டத்தில் வங்கதேசம் மற்றும் நெதர்லாந்து அணிகள் பலப்பரீட்சை நடத்துகின்றன. 

செயின்ட் வின்செண்டில் உள்ள அர்னோஸ் வாலெ மைதானத்தில் நடைபெறும் இப்போட்டியில் டாஸ் வென்றுள்ள நெதர்லாந்து அணி கேப்டன் ஸ்காட் எட்வர்ட்ஸ் முதலில் பந்துவீசுவதாக அறிவித்து வங்கதேச அணியை பெட்டிங் செய்ய அழைத்துள்ளார். மேலும் இப்போட்டியில் வெற்றிபெறும் அணி சூப்பர் 8 சுற்றுக்கான வாய்ப்பை பிரகாசப்படுத்தும் என்பதால் இப்போட்டியின் மீதான எதிர்பார்ப்புகள் அதிகரித்துள்ளன. 

நெதர்லாந்து: மைக்கேல் லெவிட், மேக்ஸ் ஓடவுட், விக்ரம்ஜித் சிங், சைப்ரண்ட் ஏங்கல்பிரெக்ட், ஸ்காட் எட்வர்ட்ஸ்(கே), பாஸ் டி லீட், லோகன் வான் பீக், டிம் பிரிங்கிள், ஆர்யன் தத், பால் வான் மீகெரென், விவியன் கிங்மா

வங்கதேசம்: தன்ஸித் ஹசன், நஜ்முல் ஹொசைன் சாண்டோ(கே), லிட்டன் தாஸ், ஷாகிப் அல் ஹசன், தவ்ஹித் ஹிரிடோய், மஹ்முதுல்லா, ஜாக்கர் அலி, ரிஷாத் ஹொசைன், தஸ்கின் அகமது, தன்சிம் ஹசன் சாகிப், முஸ்தாஃபிசூர் ரஹ்மான்