தமிழ்நாடு பிரீமியா் லீக் (டிஎன்பிஎல்) 5 ஆவது சீசன் டி 20 கிரிக்கெட் ஆட்டங்கள் நேற்று முதல் தொடங்கியுள்ளன. இதில் நேற்று நடைபெற்ற கோவை கிங்ஸ் - சேலம் ஸ்பார்டன்ஸ் அணிகளுக்கு இடையேயான ஆட்டம் மழை காரணமாக பாதியிலேயே கைவிடப்பட்டது. 

இந்நிலையில் திண்டுக்கல் டிராகன்ஸ் அணிக்காக விளையாடிவரும் சுழற்பந்துவீச்சாளர் ரவிச்சந்திரன் அஸ்வின் தனது யூடியூப் பக்கத்தில் தமிழ்நாடு பிரீமியர் லீக் தொடர் குறித்து விளக்கும் காணொளியை வெளியிட்டுள்ளார். 

அக்காணொளியில், டிஎன்பிஎல் போட்டி உருவான விதம், அந்தப் போட்டியில் வீரர்களை எப்படித் தேர்வு செய்வார்கள், இந்த வருடப் போட்டியில் சிறப்பாக விளையாடவுள்ள வீரர்கள் என தனது எல்லாவிதமான கருத்துகளையும் தெரிவித்துள்ளார். 

தற்போது இங்கிலாந்து அணிக்கெதிரான டெஸ்ட் தொடரில் விளையாடி வரும் ரவிச்சந்திரன் அஸ்வின், இந்தாண்டு டிஎன்பிஎல் தொடரில் பங்கேற்கவில்லை என்பது குறிப்பிடத்தக்கது. 

டிஎன்பிஎல் குறித்து விளக்கும் அஸ்வினின் யூடியூப் காணொளி