ஐசிசி தொடர்களில் பாகிஸ்தான் அணி இந்திய அணியிடம் தோல்வி கண்டு வந்தது. ஆனால், அமீரகத்தில் 2021இல் நடந்த உலகக் கோப்பை டி20-யில் பாபர் அசமும், ரிஸ்வானும் விக்கெட் இழப்பின்றி ஆட்டத்தை வென்று கொடுத்தனர். தொடர்ந்து கடந்த ஆண்டு ஆஸ்திரேலியாவில் நடைபெற்ற டி20 உலகக் கோப்பையில் விராட் கோலியின் அசாத்திய இன்னிங்சினாலும், அஸ்வினின் சமயோசித பேட்டிங்கினாலும் பாகிஸ்தானை த்ரில் போட்டியில் இந்திய அணி வீழ்த்தி அற்புத வெற்றியைப் பெற்று மீண்டும் ஒரு ஐசிசி தோல்வியை பாகிஸ்தானுக்கு பரிசாக அளித்தது.