உலகக்கோப்பை தொடரில் நடப்பு சாம்பியனாக களமிறங்கிய இங்கிலாந்து அணி, தொடர் தோல்வியால் முதல் அணியாக உலகக்கோப்பை தொடரிலிருந்து வெளியேறியது. இந்த நிலையில் தட்டு தடுமாறி சாம்பியன்ஸ் கோப்பை தொடருக்கு இங்கிலாந்து அணி தகுதி பெற்றது.
இந்த நிலையில் இங்கிலாந்து அணி வெஸ்ட் இண்டீஸில் சுற்றுப்பயணம் மேற்கொண்டு 3 ஒருநாள் மற்றும் 5 டி20 போட்டிகள் கொண்ட தொடரில் விளையாடுகிறது. இதில் இரு அணிகளுக்கும் இடையேயான முதலாவது ஒருநாள் போட்டி இன்று நடைபெறுகிறது.
அதன்படி ஆண்டிகுவாவில் நடைபெறும் இப்போட்டியில் டாஸ் வென்றுள்ள இங்கிலாந்து அணி முதலில் பேட்டிங் செய்வதாக அறிவித்துள்ளது. இரு அணிகளிலும் அதிரடி வீரர்கள் இருப்பதால் இப்போட்டியின் மீதான எதிர்பார்ப்புகளும் அதிகரித்துள்ளன.
வெஸ்ட் இண்டீஸ் : பிராண்டன் கிங், அலிக் அதானாஸ், கேசி கார்டி, ஷாய் ஹோப்(கே), ஷிம்ரான் ஹெட்மையர், ஷெர்பேன் ரூதர்ஃபோர்ட், ரொமாரியோ ஷெப்பர்ட், யானிக் கரியா, அல்சாரி ஜோசப், குடகேஷ் மோட்டி, ஓஷேன் தாமஸ்.
இங்கிலாந்து: பிலிப் சால்ட், வில் ஜாக்ஸ், ஜாக் கிரௌலி, பென் டக்கெட், ஹாரி புரூக், ஜோஸ் பட்லர்(கே), லியாம் லிவிங்ஸ்டோன், சாம் கரன், பிரைடன் கார்ஸ், ரெஹான் அஹ்மது, கஸ் அட்கின்சன்.
