இங்கிலாந்தில் நடைபெறும் தி ஹண்ட்ரெட் போட்டியில் முதல் சதத்தை அடித்த வீரர் என்கிற பெருமையைப் பெற்றுள்ளார் வில் ஸ்மீத்.

பிர்மிங்கமில் நடைபெற்ற பிர்மிங்கம் பீனிக்ஸ் - சதர்ன் பிரேவ் அணிகளுக்கு இடையிலான ஆட்டத்தில் பிர்மிங்கம் அணி 53 ரன்கள் வித்தியாசத்தில் வென்றது. 

இப்போட்டியில் பீனிக்ஸ் அணியைச் சேர்ந்த 20 வயது வில் ஸ்மீத், 50 பந்துகளில் 6 சிக்ஸர்கள், 8 பவுண்டரிகளுடன் 101 ரன்கள் எடுத்துக் கடைசிவரை ஆட்டமிழக்காமல் இருந்தார். 

இதன்மூலம் தி ஹண்ட்ரட் கிரிக்கெட் போட்டியின் முதல் சதத்தை அடித்தவர் என்கிற பெருமையையும் அவர் பெற்றுள்ளார் என்பது குறிப்பிடத்தக்கது.