ரசிகர்களின் பெரும் எதிர்பார்ப்புகளுக்கு மத்தியில் மகளிர் பிரீமியர் லீக் தொடரின் 3ஆவது சீசன் கோலாகலமாக தொடங்கி நடைபெற்று வருகிறது. இந்நிலையில் இத்தொடரில் இன்று நடைபெறும் 6ஆவது லீக் போட்டியில் டெல்லி கேப்பிட்டல்ஸ் மகளிர் அணியை எதிர்த்து யுபி வாரியர்ஸ் மகளிர் அணி பலப்பரீட்சை நடத்தவுள்ளது.கோடம்பி கிரிக்கெட் மைதானத்தில் நடைபெறும் இப்போட்டியில் டாஸ் வென்றுள்ள டெல்லி அணி முதலில் பந்துவீசுவதாக அறிவித்துள்ளது. 

நடப்பு டபிள்யூபிஎல் தொடரில் டெல்லி அணி விளையாடிய இரண்டு போட்டிகளில் ஒரு வெற்றி, ஒரு தோல்வியை சந்தித்துள்ளது. அதேசமயம் மறுபக்கம் யுபி வாரியர்ஸ் அணியானது முதல் போட்டியில் அதிர்ச்சி தோல்வியைச் சந்தித்துள்ளது. மேற்கொண்டு இப்போட்டிக்கான இரு அணியிலும் நட்சத்திர வீராங்கனைகள் இடம்பிடித்துள்ளதால் இப்போட்டியில் எந்த அணி வெற்றிபெறும் என்ற எதிர்பார்ப்புகள் அதிகரித்துள்ளன.

யுபி வாரியர்ஸ் பிளேயிங் லெவன்: கிரண் நவ்கிரே, விருந்தா தினேஷ், உமா செத்ரி, தீப்தி சர்மா(கேப்டன்), தஹ்லியா மெக்ராத், கிரேஸ் ஹாரிஸ், சினெல்லே ஹென்றி, ஸ்வேதா செஹ்ராவத், சோஃபி எக்லெஸ்டோன், கிராந்தி கவுட், ராஜேஸ்வரி கயக்வாட்.

டெல்லி கேபிடல்ஸ் பிளேயிங் லெவன்: ஷஃபாலி வர்மா, மெக் லானிங் (கேப்டன்), ஜெமிமா ரோட்ரிக்ஸ், மாரிஸான் கேப், அனபெல் சதர்லேண்ட், நிகி பிரசாத், சாரா பிரைஸ், ஜெஸ் ஜோனாசென், ஷிகா பாண்டே, அருந்ததி ரெட்டி, மின்னு மணி