ஜிம்பாப்வேவில் சுற்றுப்பயணம் மேற்கொண்டுள்ள வங்கதேச அணி 3 போட்டிகளைக் கொண்ட ஒருநாள் மற்றும் டி20 கிரிக்கெட் தொடர்களில் விளையாடுகிறது. 

இதில் ஜூலை 30 ஆம் தேதி தொடங்கிய டி20 தொடரின் முதல் போட்டியில் ஜிம்பாப்வே அணியும், 31ஆம் தேதி நடைபெற்ற இரண்டாவது போட்டியில் வங்கதேச அணியும் வெற்றிபெற்று 1-1 என்ற கணக்கில் சமனில் உள்ளன.

இந்நிலையில் தொடரின் வெற்றியாளரைத் தீர்மானிக்கும் மூன்றாவது மற்றும் கடைசி டி20 போட்டி இன்று ஹராரேவில் நடைபெறுகிறது. 

இப்போட்டியில் டாஸ் வென்றுள்ள ஜிம்பாப்வே அணி இம்முறையும் பேட்டிங் செய்வதாகவே அறிவித்துள்ளது. 

ஜிம்பாப்வே: ரெஜிஸ் சகப்வா, கிரெய்க் எர்வின்(கே), வெஸ்லி மாதேவெரே, சிக்கந்தர் ராசா, சீன் வில்லியம்ஸ், பிராட் எவன்ஸ், மில்டன் ஷும்பா, ரியான் பர்ல், லூக் ஜாங்வே, விக்டர் நயாச்சி, ஜான் மசாரா.

வங்கதேசம்: லிட்டன் தாஸ், அனாமுல் ஹக், பர்வேஸ் ஹொசைன் எமன், அஃபிஃப் ஹொசைன், மஹ்முதுல்லா, நஜ்முல் ஹொசைன் சாண்டோ, மொசாடெக் ஹொசைன்(கே), மஹேதி ஹசன், முஸ்தாபிசுர் ரஹ்மான், நசும் அகமது, ஹசன் மஹ்முத்.