Azam khan
Image Source: Google
PAK vs NZ: நியூசிலாந்து தொடரிலிருந்து விலகினார் அசாம் கான்!
ஐசிசி டி20 உலகக்கோப்பை தொடர் வரும் ஜூன் மாதம் வெஸ்ட் இண்டீஸ் மற்றும் அமெரிக்காவில் நடைபெறவுள்ளது. இத்தொடருக்காக அனைத்து அணிகளும் தீவிரமாக தயாராகி வருகின்றன. அந்தவகையில் நியூசிலாந்து அணியும் பாகிஸ்தானில் சுற்றுப்பயணம் மேற்கொண்டு 5 போட்டிகள் கொண்ட டி20 தொடரில் விளையாடி வருகிறது. இத்தொடரில் இரு அணிகளுக்கு இடையேயான முதலாவது டி20 போட்டி மழை காரணமாக பாதியிலேயே கைவிடப்பட்டது.
இதையடுத்து நடைபெற்ற இரண்டாவது டி20 போட்டியில் பாகிஸ்தான் அணி 7 விக்கெட் வித்தியாசத்தில் வெற்றிபெற்று 1-0 என்ற கணக்கில் தொடரில் முன்னிலை வகிக்கிறது. இந்நிலையில் இரு அணிகளுக்கும் இடையேயான மூன்றாவது டி20 போட்டி இன்று ராவல்பிண்டியில் நடைபெறவுள்ளது. ஏற்கெனவே பாகிஸ்தான் அணி 1-0 என்ற கணக்கில் முன்னிலை வகிக்கும் நிலையில் இப்போட்டியிலும் வெற்றிபெறும் முயற்சியில் களமிறங்கவுள்ளது.
