Brad currie
சூப்பர் மேன் போல் பறந்து கேட்சைப் பிடித்த இங்கிலாந்து வீரர்; வைரல் காணொளி!
இங்கிலாந்தின் பிரபல உள்ளூர் கிரிக்கெட் தொடரான டி20 பிளாஸ்ட் தொடரின் 2023 சீசனில் நேற்று நடைபெற்ற ஒரு லீக் போட்டியில் சசக்ஸ் மற்றும் ஹேம்ப்ஷைர் அணிகள் மோதின. அதில் டாஸ் வென்ற ஹேம்ஸ்ஷைர் முதலில் பந்து வீசுவதாக அறிவித்ததை தொடர்ந்து களமிறங்கிய சசக்ஸ் 20 ஓவர்களில் அதிரடியாக செயல்பட்டு 183/6 ரன்கள் குவித்தது. அந்த அணிக்கு அதிகபட்சமாக அலிவர் கார்ட்டர் 6 பவுண்டரி 4 சிக்சருடன் 64, ரன்களும் ரவி போபாரா 30 ரன்களும் எடுத்தனர்.
அதை தொடர்ந்து 184 என்ற கடினமான இலக்கை துரத்திய ஹேம்ப்ஷைர் அணிக்கு பென் மெக்டெர்மோட் 2, ஜேம்ஸ் வின்ஸ 8 என அதிரடி தொடக்க வீரர்கள் ஆரம்பத்திலேயே ஒற்றை இலக்க ரன்களில் அவுட்டாக அடுத்து வந்த டாபி ஆல்பர்ட் கோல்டன் டக் அவுட்டாகி சென்றார். போதாக்குறைக்கு ராஸ் வைட்லே 1 ரன்னில் நடையை கட்டியதால் 24/4 என சரிந்த அந்த அணி ஆரம்பத்திலேயே தடுமாறியது. இருப்பினும் 5ஆவது விக்கெட்டுக்கு 51 ரன்கள் பார்ட்னர்ஷிப் அமைத்து சரிவை சரி செய்த ஜோ வேதர்லி 33 ரன்களில் அவுட்டானார்.