Csk jersey

கடந்த ஆண்டு ஐக்கிய அரபு அமீரகத்தில் நடைபெற்று முடிந்த ஐபிஎல் தொடரில் முதல் அணியாக பிளே ஆப் சுற்றுக்கு தகுதி பெற்றது மட்டுமின்றி இறுதிப் போட்டியில் அட்டகாசமான ஆட்டத்தை வெளிப்படுத்திய சென்னை அணியானது இறுதிப்போட்டியில் கொல்கத்தா அணியை வீழ்த்தி சாம்பியன் பட்டத்தை வென்றது. அதன்படி நடப்பு சாம்பியனாக திகழும் சென்னை சூப்பர் கிங்ஸ் அணியானது இந்த ஆண்டின் முதல் போட்டியில் கொல்கத்தா அணியை எதிர்த்து விளையாட இருக்கிறது.

இந்த பதினைந்தாவது ஐபிஎல் தொடருக்கான முதல் போட்டி வரும் சனிக்கிழமை துவங்க உள்ள நிலையில் தற்போது அனைத்து அணிகளும் தீவிர பயிற்சியில் ஈடுபட்டு வருகின்றனர். ஏற்கனவே பெங்களூருவில் நடைபெற்று முடிந்த மெகா ஏலத்தில் இந்த தொடருக்கான அனைத்து அணிகளும் கலந்து கொண்டு தங்கள் அணிக்கு தேவையான வீரர்களை வாங்கியது.