Jsk vs sec sa20 2024

Image Source: Google

எஸ்ஏ20 2024: சூப்பர் கிங்ஸை வீழ்த்தி குவாலிஃபையருக்கு முன்னேறியது சன்ரைசர்ஸ்!

By Bharathi Kannan February 01, 2024 • 11:37 AM View: 268

எஸ்ஏ20 லீக் தொடரின் இரண்டாவது சீசன் தென் ஆப்பிரிக்காவில் விறுவிறுப்பாக நடைபெற்று வருகிறது. இதில் நேற்று நடைபெற்ற 25ஆவது லீக் ஆட்டத்தில் ஜோபர்க் சூப்பர் கிங்ஸ் - சன்ரைசர்ஸ் ஈஸ்டர்ன் கேப் அணிகள் பலப்பரீட்சை நடத்துதின. இப்போட்டியில் டாஸ் வென்ற சன்ரைசர்ஸ் ஈஸ்டர்ன் கேப் அணி முதலில் பந்துவீசுவதாக அறிவித்தது.

அதன்படி களமிறங்கிய ஜோபர்க் அணியில் கேப்டன் ஃபாஃப் டூ பிளெசிஸ், ரீஸா ஹென்றிக்ஸ் ஆகியோர் ரன்கள் ஏதுமின்றி அடுத்தடுத்து டேனியல் வோரால் பந்துவீச்சில் விக்கெட்டுகளை இழந்து பெவிலியனுக்கு நடையைக் கட்டினர். பின்னர் இணைந்த லுயிஸ் டு ப்ளூய் - மேட்சன் இணை சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தும் முயற்சியில் களமிறங்கினர்.