Pes vs isl head to head

பாகிஸ்தான் சூப்பர் லீக் தொடரின் 9ஆவது சீசன் இறுதிக்கட்டத்தை எட்டியுள்ளது. இதில் நடைபெற்று முடிந்த குவாலிஃபையர்ர் சுற்று ஆட்டத்தில் பெஷாவர் ஸால்மி அணியை வீழ்த்தி முல்தான் சுல்தான்ஸ் அணி இறுதிப்போட்டிக்கு முன்னேறியது. அதைத்தொடர்ந்து நேற்று நடைபெற்ற எலிமினேட்டர் சுற்று ஆட்டத்தில் குயிட்டா கிளாடியேட்டர்ஸ் அணியை வீழ்த்தி இஸ்லாமாபாத் யுனைடெட் அணி இரண்டாவது எலிமினேட்டர் சுற்றுக்கு முன்னேறியுள்ளது. 

அதன்படி இன்று நடைபெறும், இரண்டாவது எலிமினேட்டர் சுற்று ஆட்டத்தில் பாபர் ஆசாம் தலைமையிலான பெஷாவர் ஸால்மி அணியை எதிர்த்து, இமாத் வசிம் தலைமையிலான இஸ்லாமாபாத் யுனைடெட் அணி பலப்பரீட்சை நடத்துகின்றன. இப்போட்டியில் வெற்றிபெறும் அணி பிஎஸ்எல் தொடரின் இறுதிப்போட்டிக்கு முன்னேறும் என்பதால் இப்போட்டியில் எந்த அணி வெற்றிபெறும் என்ற எதிர்பார்ப்பு அதிகரித்துள்ளது.