Sl vs ban 2nd test day 2

SL vs BAN, 2nd Test: கொழும்புவில் நடைபெற்று வரும் வங்கதேச அணிக்கு எதிரான இரண்டாவது டெஸ்ட் போட்டியின் முதல் இன்னிங்ஸில் இலங்கை அணி தொடக்க வீரர் பதும் நிஷங்கா சதமடித்து அசத்தியுள்ளார்.

இலங்கை - வங்கதேச அணிகளுக்கு இடையேயான இரண்டாவது டெஸ்ட் போட்டி கொழும்புவில் உள்ள சிங்கள ஸ்போர்ட் கிளப் மைதானத்தில் நடைபெற்று வருகிறது. இதில் டாஸ் வென்ற வங்கதேச அணி முதலில் பேட்டிங் செய்வதாக அறிவித்த. அதன்படி களமிறங்கிய வங்கதேச அணியில் தொடக்க வீரரான அனாமுல் ஹக் ரன்கள் ஏதுமின்றியும், மொமினுல் ஹக் 3 பவுண்டரிகளுடன் 21 ரன்களிலும், கேப்டன் நஜ்முல் ஹொசைன் சாண்டோவும் 8 ரன்களில் விக்கெட்டை இழந்தர். அவர்களைத் தொடர்ந்து மற்றொரு தொடக்க வீர்ரான ஷாத்மான் இஸ்லாமும் 46 ரன்களில் விக்கெட்டை இழந்தார்.