Wriddhiman saha
ஐபிஎல் 2024: ரஷித் சுழலில் சிக்கிய ரச்சின்; சஹா அபார ஸ்டம்பிங் - வைரல் காணொளி!
இந்தியாவில் தொடங்கி நடைபெற்றுவரும் ஐபிஎல் தொடரின் 17ஆவது சீசன் ரசிகர்களின் எதிர்பார்ப்புகளை அதிகரித்துள்ளது. இதில் இன்று நடைபெற்றுவரும் 7ஆவது லீக் ஆட்டத்தில் சென்னை சூப்பர் கிங்ஸ் - குஜராத் டைட்டன்ஸ் அணிகள் பலப்பரீட்சை நடத்தி வருகின்றன. சேப்பாக்கத்தில் நடைபெற்றுவரும் இப்போட்டியில் டாஸ் வென்ற குஜராத் டைட்டன்ஸ் அணி கேப்டன் ஷுப்மன் கில் முதலில் பந்துவீசுவதாக அறிவித்தார்.
இதனையடுத்து களமிறங்கிய சென்னை சூப்பர் கிங்ஸ் அணிக்கு கேப்டன் ருதுராஜ் கெய்க்வாட் - ரச்சின் ரவீந்திரா இணை தொடக்கம் கொடுத்தனர். இதில் இருவரும் முதல் இரண்டு ஓவர்களில் நிதான ஆட்டத்தை வெளிப்படுத்தி மைதானத்தின் தன்மையைச் சோதித்தனர். அதன்பின் தனது அதிரடியான ஆட்டத்தை வெளிப்படுத்த தொடங்கிய ரச்சின் ரவீந்திரா பவுண்டரியும் சிக்சர்களுமாக விளாசித்தள்ளினார்.