டி20 உலகக்கோப்பை 2022: ஆஃப்கானிஸ்தான் அணி அறிவிப்பு!
டி20 உலக கோப்பை தொடர் வரும் அக்டோபர் 16 முதல் நவம்பர் 13 வரை ஆஸ்திரேலியாவில் நடக்கவுள்ளது. அதற்காக அனைத்து அணிகளும் தீவிரமாக தயாராகிவரும் நிலையில், ஒவ்வொரு அணியாக அறிவிக்கப்பட்டுவருகிறது.
ஆஸ்திரேலியா, இங்கிலாந்து, தென்னாப்பிரிக்கா, இந்தியா மற்றும் வெஸ்ட் இண்டீஸ் அணிகள் அறிவிக்கப்பட்ட நிலையில், இன்று ஆஃப்கானிஸ்தான் அணி அறிவிக்கப்பட்டுள்ளது.
ஆசிய கோப்பை தொடரில் ஆஃப்கானிஸ்தான் அணி அபாரமாக விளையாடி கிரிக்கெட் ரசிகர்களின் மனதை கவர்ந்ததுடன், பெரிய அணிகளை ஆட்டம் காண செய்தது. அதனால் ஆஃப்கானிஸ்தான் மீது மிகுந்த எதிர்பார்ப்பு நிலவும் நிலையில், டி20 உலக கோப்பைக்கான முகமது நபி தலைமையிலான 15 வீரர்களை கொண்ட ஆஃப்கானிஸ்தான் அணி அறிவிக்கப்பட்டுள்ளது.
ஆஃப்கானிஸ்தான் அணி: முகமது நபி (கேப்டன்), நஜிபுல்லா ஜட்ரான், ரஹ்மானுல்லா குர்பாஸ் (விக்கெட் கீப்பர்), அஸ்மதுல்லா ஓமர்ஸாய், டார்விஷ் ரசூலி, ஃபரித் அகமது, ஃபஸல்ஹக் ஃபரூக்கி, ஹஸ்ரதுல்லா சேஸாய், இப்ராஹிம் ஜட்ரான், முஜீபுர் ரஹ்மான், நவீன் உல் ஹக், காயிஸ் அகமது, ரஷீத் கான், சலீம் சாஃபி, உஸ்மான் கனி.
மாற்று வீரர்கள் - அஃப்சர் சேஸாய், ஷரஃபுதீன் அஷ்ரஃப், ரஹ்மத் ஷா, குல்பாதின் நைப்.