சர்வதேச கிரிக்கெட்டிலிருந்து ஓய்வை அறிவித்த ஆஃப்கான் முன்னாள் கேப்டன்!

ஆஃப்கானிஸ்தான் அணியின் முன்னாள் கேப்டன் ஆஸ்கர் ஆஃப்கான். இவர் ஆஃப்கானிஸ்தான் அணிக்காக 6 டெஸ்ட், 114 ஒருநாள், 74 டி20 போட்டிகளில் விளையாடி 4ஆயிரத்திற்கும் அதிகமான ரன்களைக் குவித்துள்ளார். 

மேலும் சர்வதேச டி20 கிரிக்கெட்டில் 52 போட்டிகளில் ஆஃப்கானிஸ்தான் அணியின் கேப்டனாக செயல்பட்ட ஆஸ்கர் ஆஃப்கான் 42 வெற்றிகளை பெற்றுக்கொடுத்துள்ளார். 

இதன்மூலம் டி20 கிரிக்கெட்டில் அதிக வெற்றிகளைப் பெற்ற கேப்டன் எனும் மகேந்திர சிங் தோனியின் சாதனை தகர்த்து புதிய சாதனையைப் படைத்தார். 

மேலும் நடப்பு டி20 உலகக்கோப்பை தொடருக்கான ஆஃப்கானிஸ்தான் அணியிலும் விளையாடிவரும் ஆஸ்கர் ஆஃப்கன், சர்வதேச கிரிக்கெட்டிலிருந்து ஓய்வு பெறுவதாக அறிவித்து ரசிகர்களுக்கு அதிர்ச்சியளித்துள்ளார். 

Also Read: T20 World Cup 2021

மேலும் இன்று நடைபெறும் நமீபியா அணியுடனான போட்டியுடன் அனைத்து விதமான கிரிக்கெட் போட்டிகளிலிருந்து விலகுவதாக அறிவித்துள்ளார். இது ஆஃப்கானிஸ்தான் கிரிக்கெட் ரசிகர்கள் மத்தியில் பெரும் சோகத்தை ஏற்படுத்தியுள்ளது.