டி20 உலகக்கோப்பை தொடரின் 8ஆவது சீசன் ஆஸ்திரேலியாவில் விறுவிறுப்பாக நடைபெற்று வருகிறது. இத்தொடரின் சூப்பர் 12 சுற்றுப்போட்டிகள் நேற்று தொடங்கி நடைபெற்று வருகிறது.
அதன்படி நாளை நடைபெறும் சூப்பர் 12 சுற்றில் நெதர்லாந்து மற்றும் வங்கதேச அணிகள் பலப்பரீட்சை நடத்துகின்றன. இவ்விரு அணிகளுக்கும் இடையேயான இப்போட்டியானது ஹாபர்ட்டில் நடைபெறவுள்ளது.
இதில் ஷாகிப் அல் ஹசன் தலைமையிலான வங்கதேச அணி நடப்பு டி20 உலகக்கோப்பை தொடரின் சூப்பர் 12 சுற்றுக்கு நேரடியாக தகுதிபெற்று அசத்தியது. ஆனாலும் அந்த அணி சமீப காலங்களில் டி20 கிரிக்கெட்டில் சொதப்பலான ஆட்டத்தையே வெளிப்படுத்தியுள்ளது.
அந்த அணியின் லிட்டன் தாஸ், ஷாகிப் அல் ஹசன், சௌமியா சர்க்கார், மெஹிதி ஹசன் ஆகியோர் பேட்டிங்கிலும், முஸ்தபிசூர் ரஹ்மான், டஸ்கின் அஹ்மத் ஆகியோர் பந்துவீச்சிலும் சிறப்பாக செயல்பட்டு வருவது அணிக்கான வாய்ப்பை ஏற்படுத்தியுள்ளது.
அதேசமயம் மறுமுனையில் நெதர்லாந்து அணி குரூப் ஸ்டேஜ் போட்டியில் சிறப்பான ஆட்டத்தை வெளிப்படுத்தி சூப்பர் 12 சுற்றுக்குள் நுழைந்துள்ளது. அதிலும் அந்த அணி பங்கேற்ற முதலிரண்டு போட்டிகளிலும் வெற்றிபெற்று அசத்தியிருந்தது.
நெதர்லாந்து அணியின் பேட்டிங்கைப் பொறுத்தமட்டில் மேக்ஸ் ஓடவுட், விக்ரம்ஜித் சிங், டாம் கூப்பர், பாஸ் டி லீட், ஸ்காட் எட்வர்ஸ் ஆகியோரும் பந்துவீச்சில் கிளாசென், டிம் பிரிங்கிள், பால் வான் மீகிரன் ஆகியோரும் இருப்பதால் அந்த அணியையும் இத்தொடரில் குறைத்து மதிப்பிட முடியாது.
போட்டி தகவல்கள்
- மோதும் அணிகள் - வங்கதேசம் vs நெதர்லாந்து
- இடம் - ஓவர், ஹாபர்ட்
- நேரம் - காலை 9.30 மணி (இந்திய நேரப்படி)
நேருக்கு நேர்
- மோதிய போட்டிகள் - 3
- வங்கதேசம் - 2
- நெதர்லாந்து - 1
உத்தேச லெவன்
வங்கதேசம்: நஜ்முல் ஹொசைன் சாண்டோ, சௌமியா சர்க்கார், லிட்டன் தாஸ் , ஷாகிப் அல் ஹசன் (கே), மொசாடெக் ஹொசைன், மெஹிதி ஹசன் மிராஸ், நூருல் ஹசன், தஸ்கின் அகமது, முஸ்தாபிசுர் ரஹ்மான், எபாடோட் ஹொசைன், ஷோரிபுல் இஸ்லாம்/நசும் அகமது.
நெதர்லாந்து: விக்ரம்ஜித் சிங், மேக்ஸ் ஓடவுட், பாஸ் டி லீட், காலின் அக்கர்மேன், டாம் கூப்பர், ஸ்காட் எட்வர்ட்ஸ்(கே), ரோலோஃப் வான் டெர் மெர்வே, டிம் பிரிங்கிள், டிம் வான் டெர் குக்டன், ஃபிரெட் கிளாசென், பால் வான் மீகெரென்.
ஃபேண்டஸி லெவன் டிப்ஸ்
- விக்கெட் கீப்பர் - லிட்டன் தாஸ், ஸ்காட் எட்வர்ட்ஸ்
- பேட்டர்ஸ் - மேக்ஸ் ஓடோவ்ட், நஜ்முல் ஹொசைன், விக்ரம்ஜித் சிங்
- ஆல்-ரவுண்டர்கள் - ஷகிப் அல் ஹசன், பாஸ் டி லீடே
- பந்துவீச்சாளர்கள் - முஸ்தாபிசுர் ரஹ்மான், வான் டெர் மெர்வே, டிம் பிரிங்கிள், மொசாடெக் ஹொசைன்