பிபிஎல் 2021: பரபரப்பான ஆட்டத்தில் மெல்போர்ன் ரெனிகேட்ஸ் த்ரில் வெற்றி!

பிபிஎல் டி20 தொடரில் இன்று நடைபெற்ற 3ஆவது லீக் ஆட்டத்தில் மெல்போர்ன் ரெனிகேட்ஸ் - அடிலெய்ட் ஸ்டிரைக்கர்ஸ் அணிகள் பலப்பரீட்சை நடத்தின. 

இதில் டாஸ் வென்று முதலில் பேட்டிங் செய்த ரெனிகேட்ஸ் அணி ஹார்வியின் அதிரடி அரைசதத்தினால் 20 ஓவர்கள் முடிவில் 9 விக்கெட் இழப்பிற்கு 153 ரன்களைச் சேர்த்தது. 

இதில் அதிகபட்சமாக மெக்கன்ஸி ஹார்வி 56 ரன்களைச் சேர்த்தார். ஸ்டிரைக்கர்ஸ் அணி தரப்பில் பீட்டர் சிடில் 3 விக்கெட்டுகளைக் கைப்பற்றினார். 

அதன்பின் இலக்கை துரத்திய அடிலெய்ட் ஸ்டிரைக்கர்ஸ் அணிக்கு தொடக்கம் சிறப்பாக அமைந்தாலும், அடுத்து களமிறங்கிய வீரர்கள் சோபிக்க தவறினர். 

இதனால் 20 ஓவர்களில் அந்த அணி 8 விக்கெட்டுகளை இழந்து 151 ரன்களை மட்டுமே எடுத்தது. ரெனிகேட்ஸ் அணி தரப்பில் ஜாஹிர் கான் 3 விக்கெட்டுகளைக் கைப்பற்றினார். 

இதன்மூலம் மெல்போர்ன் ரெனிகேட்ஸ் அணி 2 ரன்கள் வித்தியாசத்தில் அடிலெய்ட் ஸ்டிரைக்கர்ஸ் அணியை வீழ்த்தி த்ரில் வெற்றியைப் பதிவு செய்தது.