பிபிஎல் 2021: மார்ஷ் அதிரடி சதம்; பெர்த் அபார வெற்றி!

பிக் பேஷ் லீக் டி20 தொடரில் இன்று நடைபெற்ற 12ஆவது லீக் ஆட்டத்தில் பெர்த் ஸ்காச்சர்ஸ் - ஹாபர்ட் ஹரிகேன்ஸ் அணிகள் பலப்பரீட்சை நடத்தின. 

இதில் டாஸ் வென்று முதலில் பேட்டிங் செய்த பெர்த் அணியின் தொடக்க வீரர்கள் முன்ரோ, பேட்டர்சன் சொற்ப ரன்களுக்கு விக்கெட்டை இழந்து வெளியேறினர். 

அதன்பின் களமிறங்கிய மிட்செல் மார்ஷ் அதிரடியான ஆட்டத்தை வெளிப்படுத்தி 60 பந்துகளில் 5 சிக்சர், 6 பவுண்டர்களை விளாசி சதமடித்தார். 

இதன்மூலம் 20 ஓவர்கள் முடிவில் பெர்த் ஸ்காச்சர்ஸ் 5 விக்கெட் இழப்பிற்கு 182 ரன்களைக் குவித்தது. அதிகபட்சமாக மிட்செல் மார்ஷ் 100 ரன்களுடன் ஆட்டமிழக்காமல் இருந்தார்.

இதையடுத்து கடின இலக்கை துரத்திய ஹரிகேன்ஸ் அணி வீரர்களும் ஆரம்பத்திலேயே விக்கெட்டை இழந்து தடுமாறினார். பென் மெக்டர்மோட் சற்று நம்பிக்கையளித்தாலும், மற்ற வீரர்கள் யாரும் சோபிக்க வில்லை. 

இதைனால் 19 ஓவர்களிலேயே ஹரிகேன்ஸ் அணி அனைத்து விக்கெட்டுகளையும் இழந்து 129 ரன்களை மட்டுமே எடுத்தது. பெர்த் அணி தரப்பில் டைமல் மில்ஸ் 3 விக்கெட்டுகளைக் கைப்பற்றினார். 

இதன்மூலம் பெர்த் ஸ்காச்சர்ஸ் அணி 53 ரன்கள் வித்தியாசத்தில் ஹாபர்ட் ஹரிகேன்ஸ் அணியை வீழ்த்தி அபார வெற்றியைப் பதிவுசெய்தது. மேலும் இப்போட்டியில் சதம் விளாசிய மிட்செல் மார்ஷ் ஆட்டநாயகனாகத் தேர்வு செய்யப்பட்டார்.