Mitchell marsh
Image Source: Google
முதல் ஓவரிலேயே மிட்செல் மார்ஷ் விக்கெட்டை வீழ்த்திய முகமது ஷமி - வைரல் காணொளி!
சொந்த மண்ணில் நடைபெறும் உலகக் கோப்பை தொடருக்கு தயாராகும் வகையில் ஆஸ்திரேலியாவுக்கு எதிராக 3 போட்டிகள் கொண்ட ஒருநாள் தொடரில் இந்திய அணி விளையாடுகிறது. கேப்டன் ரோஹித் சர்மா, விராட் கோலி போன்ற சீனியர்களுக்கு முதலிரண்டு போட்டிகளில் ஓய்வு கொடுக்கப்பட்ட இந்த தொடரில் ஆஃப் ஸ்பின்னர் இல்லாத குறையை தீர்ப்பதற்காக ரவிச்சந்திரன் அஸ்வின் தேர்வு செய்யப்பட்டார்.
இந்நிலையில் இன்று பஞ்சாப் மாநிலம் மொஹாலியில் நடைபெற்றுவரும் இத்தொடரின் முதல் போட்டியில் டாஸ் வென்ற தற்காலிக கேப்டன் கேஎல் ராகுல் முதலில் பந்து வீசுவதாக அறிவித்தார். மேலும் இந்திய கிரிக்கெட் அணியில் ரோஹித் சர்மாவுக்கு பதிலாக தொடக்க வீரராக ருதுராஜ் கெய்க்வாட் தேர்வான நிலையில் விராட் கோலிக்கு பதிலாக ஸ்ரேயாஸ் ஐயர் விளையாடுவார் என்று அறிவிக்கப்பட்டது.
