பிபிஎல் 2022: மார்ஷ் அதிரடி; பெர்த் ஸ்காச்சர்ஸ் வெற்றி!

பிபிஎல் தொடரில் இன்று நடைபெற்ற 53ஆவது லீக் ஆட்டத்தில் பெர்த் ஸ்காச்சர்ஸ் - பிரிஸ்பேன் ஹீட் அணிகள் பலப்பரீட்சை நடத்தின. 

இப்போட்டியில் டாஸ் வென்று முதலில் பேட்டிங் செய்த பிரிஸ்பேன் ஹீட் அணிக்கு தொடக்க வீரர் மேக்ஸ் பிரையண்ட் அதிரடியான ஆட்டத்தை வெளிப்படுத்தி அசத்தினார். 

இதன்மூலம் 20 ஓவர்கள் முடிவில் 7 விக்கெட் இழப்பிற்கு 155 ரன்களைச் சேர்த்தது. இதில் அதிகபட்சமாக மேக்ஸ் பிரையண்ட் 81 ரன்களைச் சேர்த்தார். 

அதன்பின் இலக்கை துரத்திய பெர்த் அணியில் குர்டிஸ் பேட்டர்சன், ஜோஷ் இங்கிலிஸ் ஆகியோர் சொற்ப ரன்களில் ஆட்டமிழந்து வெளியேறினர்.

அடுத்து களமிறங்கிய மிட்செல் மார்ஷ் அதிரடியான ஆட்டத்தை வெளிப்படுத்தி அரைசதம் கடந்ததுடன், அணியை வெற்றிக்கும் அழைத்துச் சென்றார். 

இதன்மூலம் 18.4 ஓவர்களில் இலக்கை எட்டி பெர்த் ஸ்காச்சர்ஸ் அணி 6 விக்கெட் வித்தியாசத்தில் பிரிஸ்பேன் ஹீட் அணியை வீழ்த்தி அபார வெற்றியைப் பெற்றது.