சிபிஎல் 2021: பிராத்வையிட் முதல் போட்டியில் பங்கேற்பதில் சிக்கல்!

வெஸ்ட் இண்டீஸ் அணியின் முன்னாள் கேப்டனும், அதிரடி ஆலரவுண்டருமானவர் கார்லஸ் பிராத்வையிட். இவர் சமீபத்தில் நடந்து முடிந்த தி ஹண்ரட் தொடரில் மான்செஸ்டர் ஒரிஜினல்ஸ் அணிக்காக விளையாடினார். 

இந்நிலையில் கரீபியன் பிரீமியர் லீக் தொடர் நாளை மறுநாள் முதல் தொடங்கவுள்ளது. இத்தொடரின் ஜமைக்கா தல்லாவஸ் அணிக்காக விளையாடிவரும் பிராத்வையிட், இன்று விமானம் மூலம் வெஸ்ட் இண்டீஸ் சென்றார். 

ஆனால் அவருடன் பயணம் செய்த சக பயணி ஒருவருக்கு விமானநிலையத்தில் மேற்கொள்ளப்பட்ட கரோனா பரிசோதனை முடிவில் தொற்று இருப்பது உறுதியாகியது. இதனால் கார்லஸ் பிராத்வைட்டும் தனிமைப்படுத்தப்பட்டார்.

Also Read: : சிட்னி சிக்சர்ஸில் மீண்டும் ஓராண்டு ஒப்பந்தமான பிராத்வைட்!

பின் அவருக்கு மேற்கொள்ளப்பட்ட கரோனா பரிசோதனை முடிவில் தொற்று இல்லை என்பது உறுதியானது. இருப்பினும் சிபிஎல் கிரிக்கெட் தொடர் நெறிமுறை காரணமாக அவர் தனிமைப்படுத்தப்படுவது அவசியம் என்பதால், ஆகஸ்ட் 27ஆம் தேதி செயிண்ட் லூசிய கிங்ஸ் அணிக்கெதிரான முதல் போட்டியில் அவரால் பங்கேற்க முடியாத சூழல் ஏற்பட்டுள்ளது.