ஐபிஎல் 2023: சென்னை சூப்பர் கிங்ஸ் அணி மோது போட்டிகளில் முழு அட்டவணை!
ஐபிஎல் தொடரின் 16ஆவது சீசன் தொடர் குறித்த அறிவிப்பை பிசிசிஐ இன்று வெளியிட்டது. அதன்படி மார்ச் 31ஆம் தேதி ஐபிஎல் தொடரின் 16ஆவது சீசன் தொடங்கும் என்று பிசிசிஐ அறிவித்துள்ளது. இந்த முறை வழக்கம் போல் ஒவ்வொரு அணிகள் தங்களது சொந்த மைதானத்திலும் வெளி மைதானத்திலும் சரிசமமான போட்டிகளை விளையாட உள்ளன.
இரு குழுக்களாக பத்து அணிகள் பிரிக்கப்பட்டுள்ளதில் மும்பை, டெல்லி, ராஜஸ்தான், லக்னோ, கொல்கத்தா அணிகள் ஒரு பிரிவிலும், சென்னை,பஞ்சாப், ஹைதராபாத், பெங்களூரு, குஜராத் ஆகிய ஐந்து அணிகள் இன்னொரு பிரிவிலும் இடம் பெற்றுள்ளன. ஒரு பிரிவில் உள்ள அணி மற்றொரு பிரிவில் உள்ள ஐந்து அணிகளையும் தலா இரண்டு முறை எதிர்கொள்ளும். தனது பிரிவில் உள்ள நான்கு அணிகளுடன் ஒரு முறை மோதும். இதன் மூலம் 14 ஆட்டங்கள் ஒவ்வொரு அணிக்கும் கிடைக்கும்.
அதன்படி மார்ச் 31ஆம் தேதி தொடங்கும் முதல் போட்டியில் நடப்பு சாம்பியன் குஜராத் டைட்டன்ஸ் அணி, நான்கு முறை சாம்பியன் பட்டத்தை வென்ற சென்னை சூப்பர் கிங்ஸ் அணியை எதிகொள்கிறது. இப்போட்டி அகமதாபாத்திலுள்ள நரேந்திர மோடி கிரிக்கெட் மைதானத்தில் நடைபெறவுள்ளது. அதேபோல் இத்தொடரின் இறுதிப்போட்டி மே 28ஆம் தேதி இதே மைதானத்தில் நடைபெறவுள்ளது.
இந்நிலையில் சென்னை சூப்பர் கிங்ஸ் அணி நடப்பு சீசனில் விளையாடும் போட்டி அட்டவணை இப்பதிவில் பார்போம்:-
- மார்ச் 31 - குஜராத் டைட்டன்ஸ் vs சிஎஸ்கே - அகமதாபாத்
- ஏப்ரல் 3 - லக்னோ சூப்பர் ஜெயண்ட்ஸ் vs சிஎஸ்கே – சென்னை
- ஏப்ரல் 8 - மும்பை vs சிஎஸ்கே - மும்பை
- ஏப்ரல் 12 - சிஎஸ்கே vs ராஜஸ்தான் – சென்னை
- ஏப்ரல் 17 - ஆர்சிபி vs சிஎஸ்கே – பெங்களூரு
- ஏப்ரல் 21 - சிஎஸ்கே vs ஹைதராபாத் – சென்னை
- ஏப்ரல் 23 - கேகேஆர் vs சிஎஸ்கே - கொல்கதா
- ஏப்ரல் 27 - ராஜஸ்தான் ராயல்ஸ் vs சிஎஸ்கே - ஜெய்ப்பூர்
- ஏப்ரல் 30 - பஞ்சாப் கிங்ஸ் vs சிஎஸ்கே – சென்னை
- மெ 4 - லக்னோ சூப்பர் ஜெயண்ட்ஸ் vs சிஎஸ்கே - லக்னோ
- மே 6 - சிஎஸ்கே vs மும்பை – சென்னை
- மே 10 - சிஎஸ்கே vs டெல்லி கேப்பிட்டல்ஸ் - சென்னை
- மே 14- சிஎஸ்கே vs கேகேஆர் – சென்னை
- மே 20 - டெல்லி கேப்பிட்டல்ஸ் vs சிஎஸ்கே – டெல்லி