ENG vs IND : மூன்றாவது போட்டிக்கான இங்கிலாந்து அணியில் மாலன் சேர்ப்பு!
இந்தியா - இங்கிலாந்து அணிகளுக்கு இடையேயான ஐந்து போட்டிகள் கொண்ட டெஸ்ட் தொடர் இங்கிலாந்தில் நடைபெற்று வருகிறது. இதில் முதல் போட்டி மழையால் டிரா ஆன நிலையில், இரண்டாவது போட்டியில் இந்திய அணி 151 ரன்கள் வித்தியாசத்தில் வெற்றிபெற்று தொடரில் முன்னிலைப் பெற்றது.
இந்நிலையில் இரு அணிகளுக்கும் இடையேயான மூன்றாவது டெஸ்ட் போட்டி லீட்ஸில் ஆகஸ்ட் 24ஆம் தேதி நடைபெறுகிறது. இப்போட்டிக்காக இரு அணிகளும் தீவிர பயிற்சியில் ஈடுபட்டுவருகின்றனர்.
இதற்கிடையில் இப்போட்டிக்கான இங்கிலாந்து அணியில் டேவிட் மாலன் சேர்க்கப்பட்டுள்ளார். அதேசமயம் ஜாக் கிரௌலி, டோமினிக் சிப்லி ஆகியோர் இங்கிலாந்து அணியிலிருந்து விடுவிக்கப்பட்டுள்ளனர்.
இதனால் இந்தியாவுடனான மூன்றாவது டெஸ்டில் டேவிட் மாலன் இடம்பெறுவது உறுதியாகியுள்ளது. முன்னதாக ஸ்டூவர் பிராட்டிற்கு பதிலாக அறிமுக வீரர் சாகிப் மஹ்மூத் இங்கிலாந்து அணியில் சேர்க்கப்பட்டது குறிப்பிடத்தக்கது.
இங்கிலாந்து அணி: ஜோ ரூட் (இ), மொயீன் அலி, ஜேம்ஸ் ஆண்டர்சன், ஜானி பேர்ஸ்டோவ், ரோரி பர்ன்ஸ், ஜோஸ் பட்லர், சாம் கரன், ஹசீப் ஹமீத், டான் லாரன்ஸ், சாகிப் மஹ்மூத், டேவிட் மலான், கிரேக் ஓவர்டன், ஒல்லி போப், ஒல்லி ராபின்சன், மார்க் வுட்.