நான் எதிர்கொண்டதில் இவர்கள் தான் கடுமையான பந்துவீச்சாளர்கள் - ஃபாஃப் டூ பிளெசிஸ்!

சர்வதேச கிரிக்கெட் போட்டியிலிருந்து ஓய்வு அறிவித்தாலும் தற்பொழுது ஐபிஎல் தொடர் மற்றும் தென் ஆபிரிக்காவில் நடைபெறும் எஸ்ஏ டி20 போன்ற லீத் தொடர்களில் அதிரடியாகவும், ஆக்டிவாகவும் செயல்பட்டு வரும் தென் ஆபிரிக்க அணியின் முன்னாள் கேப்டன் ஃபாஃப் டூ பிளெசிஸ், தென் ஆபிரிக்க அணிக்காக மூன்று விதமான தொடரிலும் அதிரடியாக செயல்பட்டு 11000+ குவித்துள்ளார்.

மேலும் ஐபிஎல் தொடர், சர்வதேச டி20 தொடர் என மொத்தம் 318 டி20 போட்டிகளில் பங்கேற்று 8,237 ரன்கள் குவித்து டி20 தொடரின் அதிரடி பேட்ஸ்மனாக பார்க்கப்படுகிறார். ஐபிஎல் தொடரில் ராயல் சேலஞ்சர்ஸ் பெங்களூர் அணியின் கேப்டனாகவும், எஸ்ஏ டி20 தொடரில் சென்னை சூப்பர் கிங்ஸ் அணியின் தென் ஆபிரிக்க வெர்ஷனான ஜெஹனன்ஸ்பர்க் சூப்பர் கிங்ஸ் அணியின் கேப்டனாகவும் செயல்பட்டு வருகிறார்.

இந்த நிலையில், தன்னுடைய கிரிக்கெட் கரியரில் ஏற்பட்ட சுவாரசியமான சம்பவங்களை செய்தியாளர்கள் சந்திப்பில் வாயிலாக தெரியப்படுத்தி வரும் டூ பிளெசிஸ், தன்னுடைய சர்வதேச கிரிக்கெட் கரியரில் தன்னுடைய தூக்கத்தை கெடுத்த இரண்டு பந்துவீச்சாளர்கள் குறித்து வெளிப்படையாக பேசியுள்ளார்.

லிமிடெட் ஓவர் போட்டிகளில் டூப்லேசிஸ் எதிர்கொண்ட மிகக் கடுமையான வீரராக பாகிஸ்தான் அணியின் முன்னாள் சுழற் பந்துவீச்சாளராக சயீத் அஜ்மலை தெரிவித்துள்ளார். டி20 தொடரில் சயீத் அஜ்மலுக்கு எதிராக வெறும் 18 ரன்கள் மட்டுமே அடித்திருக்கும் டூப்லேசிஸ் இரண்டு முறை தன்னுடைய விக்கெட்டையும் அவரிடம் இருந்துள்ளார்.

மேலும் ஒருநாள் தொடரில் சயீத் அஜ்மல் வீசிய 92 பந்துகளில் வெறும் 52 ரன்கள் மட்டுமே எடுத்துள்ளார், மேலும் ஒருமுறை தன்னுடைய விக்கெட்டையும் இழந்துள்ளார். சயீத் அஜ்மல் விளையாடிய காலமெல்லாம் லிமிடெட் ஓவர் போட்டிகளில் டூ பிளெசிஸ் அவருக்கு எதிராக தடுமாற்றத்துடனே விளையாடியுள்ளார்.

மேலும் டெஸ்ட் தொடரில் இந்திய அணியின் நட்சத்திர ஆல்ரவுண்டர் ரவீந்திர ஜடேஜாவிற்கு எதிராக பேட்டிங் செய்வதற்கு மிகவும் கஷ்டப்பட்டதாக டூ பிளெசிஸ் தெரிவித்துள்ளார். ஜடேஜாவிற்கு எதிராக 11 போட்டிகளில் விளையாடிய டூ பிளெசிஸ் 222 பந்துகளில் வெறும் 74 ரன்கள் மட்டுமே அடித்துள்ளார் மேலும் நான்கு முறை தன்னுடைய விக்கெட்டை ஜடேஜாவிடம் இழந்துள்ளார் என்பது குறிப்பிடத்தக்கது.