ரிவஸ் ஸ்கூப் ஷாட் மூலம் சிக்ஸர் விளாசிய கிளென் பிலீப்ஸ்; வைரலாகும் காணொளி!

பாகிஸ்தான், நியூசிலாந்து, தென் ஆப்பிரிக்கா அணிகளுக்கு இடையேயான முத்தரப்பு ஒருநாள் கிரிக்கெட் தொடர் பாகிஸ்தானில் நடைபெற்று வருகிறது. இதில் நேற்று நடைபெற்ற முதல் போட்டியில் பாகிஸ்தான் மற்றும் நியூசிலாந்து அணிகள் பலப்பரீட்சை நடத்தின. லாக்கூரில் உள்ள கடாஃபி கிரிக்கெட் மைதானத்தில் நடைபெற்ற இப்போட்டியில் டாஸ் வென்ற நியூசிலாந்து அணி முதலில் பேட்டிங் செய்வதாக அறிவித்தது. 

அதன்படி களமிறங்கிய நியூசிலாந்து அணியில் டாப் ஆர்டர் வீரர்கள் சோபிக்க தவறிய நிலையில் கேன் வில்லியம்சன் 58 ரன்களையும், டேரில் மிட்செல் 81 ரன்களைச் சேர்த்து அணியை சரிவிலிருந்து மீட்டெடுத்தனர். அதன்பின் அதிரடியாக விளையாடிய கிளென் பிலீப்ஸ் சதமடித்து அசத்தியதுடன் 6 பவுண்டரி, 7 சிக்ஸர்கள் என 106 ரன்களைச் சேர்த்து அணிக்கு தேவையான ஃபினிஷிங்கைக் கொடுத்தனர். இதன்மூலம் நியூசிலாந்து அணி 50 ஓவர்கள் முடிவில் 6 விக்கெட் இழப்பிற்கு 330 ரன்களைச் சேர்த்தது. 

பாகிஸ்தான் தரப்பில் ஷாஹீன் அஃப்ரிடி 3 விக்கெட்டுகளையும், அப்ரார் அகமது 2 விக்கெட்டுகளையும் கைப்பற்றினர். இதையடுத்து இலக்கை நோக்கி விளையாடிய பாகிஸ்தான் அணியில் பாபர் ஆசாம் 10 ரன்களில் விக்கெட்டை இழக்க, அடுத்து களமிறங்கிய காம்ரன் குலாம், முகமது ரிஸ்வான் ஆகியோரும் சோபிக்க தவறினர். அதேசயம் தொடக்க வீரராக களமிறங்கிய ஃபகர் ஸமான் அதிரடியான தொடக்கத்தை கொடுத்து அரைசதம் கடந்ததுடன் 7 பவுண்டரி, 4 சிக்ஸர்கள் என 84 ரன்களைச் சேர்த்தார்.

அதேசமயம் மறுபக்கம் களமிறங்கிய வீரர்களில் சல்மான் ஆகா 40 ரன்களையும், தயாப் தாஹிர் 30 ரன்களையும் சேர்த்ததை தவிர்த்து மற்ற வீரர்கள் அனைவரும் அடுத்தடுத்து விக்கெட்டுகளை இழந்தனர். இதனால் பாகிஸ்தான் 47.5 ஓவரில் 252 ரன்களை மட்டுமே எடுத்து ஆல் அவுட்டானது. நியூசிலாந்து தரப்பில் மேட் ஹென்றி, மிட்செல் சான்டனர் தலா 3 விக்கெட்டுகளை வீழ்த்தினர். இதன்மூலம் நியூசிலாந்து அணி 78 ரன்கள் வித்தியாசத்தில் பாகிஸ்தானை வீழ்த்தி வெற்றிபெற்றது. 

இப்போட்டியில் சிறப்பான ஆட்டத்தை வெளிப்படுத்திய கிளென் பிலீப்ஸ் ஆட்டநாயகன் விருதை வென்றார். இந்நிலையில் இப்போட்டியில் கிளென் பிலிப்ஸ் அடித்த சிக்ஸர் குறித்த காணொளி ஒன்று இணையத்தில் வைரலாகி வருகிறது. அதன்படி இன்னிங்ஸில் 48ஆவது ஓவரை பாகிஸ்தான் வேகப்பந்து வீச்சாளர் ஷாஹீன் அஃப்ரிடி வீசிய நிலையில், அந்த ஓவரின் மூன்றாவது பந்தை லோ புல்டாஸாக வீசினார். 

Also Read: Funding To Save Test Cricket

அதனை சரியாக கணித்திருந்த கிளென் பிலீப்ஸ் அற்புதமான ரிவர்ஸ் ஸ்கூப் மூலம் அந்த பந்த தேர்ட் மேன் திசையில் சிக்ஸருக்கு விசினார். மேற்கொண்டு அவர் அந்த் ஓவரில் மற்றொரு சிக்ஸரையும் விளாசியதுடன் 17 ரன்களைக் குவித்தார். அதனைத்தொடர்ந்து இன்னிங்ஸின் கடைசி ஓவரில் அதிரடியாக செயல்பட்ட கிளென் பிலீப்ஸ் 25 ரன்களைச் சேர்த்து அசத்தியதுடன் தனது சதத்தையும் பதிவுசெய்து அசத்தினார் என்பது குறிப்பிடத்தக்கது.