டி20 உலகக்கோப்பை இந்திய அணியில் இடம்பிடித்த ராகுல் சஹார் - மகிழ்ச்சியை வெளிப்படுத்தும் காணொளி!

இந்திய கிரிக்கெட் அணியின் இளம் சுழற்பந்துவீச்சாளர் ராகுல் சஹார். இவர் கடந்த இரண்டு சீசன்களாக மும்பை இந்தியன்ஸ் அணியின் தவிர்க முடியா பந்துவீச்சாளராகவும் வலம் வருகிரார்.

ஐபிஎல் தொடரில் தொடர்ந்து அசத்தலான ஆட்டத்தை வெளிப்படுத்தி வந்த ராகுல் சஹாருக்கு, கடந்த 2019ஆம் ஆண்டு வெஸ்ட் இண்டீஸ் அணியுடனான தொடரின் போதே இந்திய அணியில் விளையாட வாய்ப்பு கிடைத்தது. 

ஆனால் அதன்பின் மூத்த வீரர்களின் ஆதிக்கத்தால் வாய்ப்புக்காக காத்திருந்த ராகுல் சஹாருக்கு கடந்த இலங்கை தொடர் மிகப்பெரும் திருப்பு முனையாக அமைந்தது. 

அத்தொடரில் சிறப்பான ஆட்டத்தை வெளிப்படுத்தியதன் மூலம், இந்த ஆண்டுக்கான 20 ஓவர் உலக கோப்பை போட்டிக்கான இந்திய கிரிக்கெட் அணியில் ராகுல் சஹார் இடம்பிடித்துள்ளார். 

தற்போது ஐபிஎல் தொடருக்காக துபாய் சென்றுள்ள ராகுல் சஹார், இச்செய்தியை அறிந்ததும் மகிழ்ச்சியை வெளிப்படுத்தும் காணொளியை மும்பை இந்தியன்ஸ் அணி வெளியிட்டுள்ளது. இக்காணொளி தற்போது இணையத்தில் வைரலாகி வருகிறது.

Also Read: இந்திய அணியின் இங்கிலாந்து சுற்றுப்பயணம், 2021

இதுவரை இந்திய அணிக்காக 5 டி20 போட்டிகளில் மட்டுமே விளையாடியுள்ள ராகுல் சஹார் 7 விக்கெட்டுகளைக் கைப்பற்றியுள்ளார்.