விராட் கோலி முன்பிருந்தது போல் அதிரடியாக செயல்படவில்லை - கபில் தேவ்!

சமகால கிரிக்கெட்டின் முடி சூடா மன்னாக திகழ்ந்து வந்த விராட் கோலி, கிட்டத்தட்ட கடந்த இரண்டு வருடங்களாக பேட்டிங்கில் மிக மோசமாக செயல்பட்டு வருகிறார். இதனால் மிக கடுமையான விமர்ச்சனங்களையும் விராட் கோலி எதிர்கொண்டு வருகிறார்.

இந்திய அணியின் அசைக்க முடியாக நம்பிக்கையாக திகழ்ந்து வந்த விராட் கோலி அடுத்தடுத்து மோசமான ஆட்டத்தை வெளிப்படுத்தியதால் இந்திய அணியில் இருக்கும் முக்கியத்துவத்தை பிசிசிஐ கொஞ்சம் கொஞ்சமாக குறைத்து வந்தது

குறிப்பாக இங்கிலாந்து அணிக்கு எதிரான தொடரில் சொதப்பாலான ஆட்டத்தை வெளிப்படுத்தியதால் விண்டீஸ் அணிக்கு எதிரான விராட் கோலிக்கு ஓய்வு அளிக்கப்பட்டது. கிரிக்கெட் தொடரில் எழுபதாவது சதத்தை அடித்து ஆயிரம் நாளை தொட்டுவிட்டதால் விராட் கோலி எதிர்வரும் ஆசிய கோப்பையில் எப்படி செயல்படுவார் என்ற எதிர்பார்ப்பு அதிகமாகி இருந்தது.

ஆனால் ஆசிய கோப்பையில் பாகிஸ்தான் அணிக்கு எதிரான முதல் போட்டியில் விராட் கோலி தடுமாற்றத்துடன் பேட்டிங் செய்தார். களம் இறங்கிய முதல் சில பந்துகளில் விராட் கோலி தன்னுடைய விக்கெட்டை இழந்திருப்பார். ஆனால் அதிர்ஷ்டவசமாக பாகிஸ்தான் அணி வீரர் கேச்சை தவறவிட்டதால் விராட் கோலி 30+ ரன்கள் வரை அடிக்க முடிந்தது. என்னதான் விராட் கோலி 30 ரன்கள் அடித்தாலும் விராட் கோலியின் தீவிர ரசிகர்களுக்கும், இந்திய அணிக்கும் இது மிகப்பெரிய ஏமாற்றமாகவே இருந்தது.

இந்த நிலையில் ஹாங்காங் அணிக்கு எதிரான இரண்டாவது போட்டியில் விராட் கோலி நிதானத்துடன் விளையாடி அரை சதம் அடித்துள்ளார். இந்த அரை சதத்தை விராட் கோலியை விட இந்திய கிரிக்கெட் ரசிகர்கள் அதிகமாக கொண்டாடி வருகின்றனர். இந்த நிலையில் விராட் கோலியின் ஆட்டம் குறித்து இந்திய அணியின் முன்னாள் ஜாம்பவான் செய்தியாளர்கள் சந்திப்பில் கருத்து தெரிவித்துள்ளார்.

இதுகுறித்து கபில் தேவ் தெரிவித்ததாவது,“நான் விராட் கோலியின் பார்ம் குறித்து கவலைப்படவில்லை, ஆனால் அவர் மீண்டும் சிறப்பாக செயல்பட்டு இருப்பது மகிழ்ச்சி அளிக்கிறது. அவர் விளையாடியதில் இரண்டு ஷாட் மிகவும் அற்புதமாக இருந்தது, ஆனால் நான் அவரிடமிருந்து இன்னும் அதிகம் எதிர்பார்க்கிறேன். 

அவருடைய ரீஎண்டரி சிறப்பாக உள்ளது, பாகிஸ்தான் அணிக்கு எதிரான முதல் போட்டியில் முதல் ஓவரிலேயே இவருடைய கேட்சை பாகிஸ்தான் தவறவிட்டது இவருடைய அதிர்ஷ்டம்தான், ஆனால் ஆனால் அவர் முன்பிருந்தது போல் அதிரடியாக செயல்படவில்லை. 

விராட் கோலியின் கடந்த பத்து வருட ஆட்டத்தை நான் விரும்புவேன். அந்த ஆட்டம் தான் விராட் கோலி மற்ற வீரர்களை விட சிறந்த வீரராக வைத்துள்ளது. மேலும் விராட் கோலி தன்னுடைய ஃபார்ம் குறித்து எல்லாம் கவலைப்படாமல் இயல்பாக விளையாட வேண்டும் என்று விராட் கோலிக்கு அறிவுரை கூறியிருந்தது குறிப்பிடத்தக்கது.