மகளிர் உலகக்கோப்பை: மந்தனா, ஹர்மன்ப்ரீத் அபாரம்; விண்டீஸூக்கு 318 டார்கெட்!

மகளிர் உலக கோப்பை கிரிக்கெட் தொடர் நியூசிலாந்தில் நடந்து வருகிறது. ஹாமில்டனில் இன்று நடைபெற்று வரும் 10ஆவது லீக் ஆட்டத்தில் மிதாலி ராஜ் தலைமையிலான இந்திய அணி, ஸ்டாஃபானி டெய்லர் தலைமையிலான வெஸ்ட்இண்டீஸுடன் விளையாடி வருகிறது.

இப்போட்டியில் டாஸ் வென்ற இந்திய அணியின் கேப்டன் மிதாலி ராஜ் பேட்டிங்கைத் தேர்வு செய்தார். அதன்படி களமிறங்கிய இந்திய அணியின் தொடக்க வீராங்கனை ஸ்மிரிதி மந்தனா அபாரமாக விளையாடி சதமடித்தார்.

தொடர்ந்து சிறப்பாக விளையாடி வந்த மந்தனா 119 பந்துகளில் 13 பவுண்டரிகள் 2 சிக்சர்களுடன் 123 ரன்கள் எடுத்து ஆட்டமிழந்தார். 

அதன்பின் அவருக்கு பக்கபலமாக நின்ற ஹர்மன்பிரீத் கவுரும் சதமடித்து அணியின் ஸ்கோரை உயர்த்தினார். இதன்மூலம் 50 ஓவர்கள் முடிவில் இந்திய அணி 8 விக்கெட்டுகளை இழந்து 317 ரன்களைச் சேர்த்தது. 

இந்திய அணி தரப்பில் அதிகபட்சமாக ஸ்மிருதி மந்தனா 123 ரன்களையும், ஹர்மன்ப்ரீத் கவுர் 109 ரன்களையும் சேர்த்தனர்.